Pisu turistikoen alokairua debekatu du hiri osoan Palmako Udalak, Balear Uharteetan
Beren etxebizitza turismorako alokatzen dutenentzat 40.000 euro arteko isunak iragarri ditu Balear Uharteetako hiriburuko Udalak, El Periodicon irakur daitekeenez.
6.076 sinadurarekin Palmako Bizilagunen Elkarteen Federazioak aurkeztutako ekimena onartu du Udalak. Lehen aldiz Udal Gobernua zatitu da, PSOE abstenitu egin da, eta Més eta Podemosen hamar botoekin aurrera atera da. PP ere abstenitu egin da eta Ciudadanos izan da aurkako botoa eman duen alderdi bakarra.
Horrez gain, erabilera turistikora zuzendutako lizentzia urbanistikoak emateko orduan urtebeteko moratoria onartu dute Udalean.
"Azken urteetako etxebizitza turistikoen igoera nabarmenak Palmaren masifikazioan eta turistifikazioan eragin du". Bizilagunen elkarteko presidente Joan Fortezaren hitzak jaso dituzte El Mundon. Bere ustez higiezinen merkatuan modu negatiboan eragiten dute etxebizitza turistikoek, diru sarrea txikiagoak dituzten herritarrak kanporatzen baititu honek.
"Arrakastaz hil gintezke", adierazi du ekimena defendatzeko orduan. "Krisi soziala eta Balear Uharteei eragiten dien gentrifikazio prozesua gelditu nahi ditugu".
Hamabost elkarte eta eragilek bat egin dute debekuarekin, besteren artean, Jubilatas per Mallorca, la Associació Canamunt Ciutat Antiga edo ATTAC Mallorca, Diario de Mallorcan jaso dutenez.
Inkesta baten bidez hiriko datuak jaso ostean hartu dute erabakia. Operadoreen heren batek hamar etxetik gora eskaintzen ditu. Soilik 15 enpresak hiri osoko etxebizitzen %10 kontrolatzen ditu. Iaz alokairuak %7,4 igo ziren hirian.
El Mundok nabarmendu duenez, legeak eragina izan du, etxe-jabe askok berehala kendu baitute beren iragarkia webgune hauetatik, zigorren beldurrez.
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.
Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.