Hainbat israeldarren artean gazte palestinar talde bat jipoitu zuten ostiralean Jerusalemgo Sion plazan. Palestinar batek larri zaurituta ospitalean jarraitzen du. Poliziak jakinarazi duenez erasoaren unean bertan zeuden lekukoek ez zioten lagundu lurrean zegoen gazteari. Momentuz ustezko erasotzaileak diren bost gazte atxilotu dituzte.
Lekukoek adierazi dutenez israeldarrek "arabiarrak hil" ohiukatzen zuten behin eta berriz eta horren ondoren etorri zen erasoa. Larri zauritutako gazte palestinarrak buruan du kolpe handiena. Bertan zeudenek ez zioten laguntzarik eskaini erasotuari, Haaretz egunkariak azaldu duenez konorterik gabe zegoen lurrean eta lekukoek hilik zegoela uste zuten.
Poliziak aditzera eman duenez gertatutako erasoa Jurusalemen gau askotan izaten diren erasoetako beste bat baino ez da izan.
31.000 hildakotik gora eragin ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
250 kulturgiletik gorak egin zuten deialdia “Kulturatik genozidioari stop” manifestaziorako. Milaka lagunek Alderdi Eder eta Haizearen Orrazia arteko ibilbidea bete dute martxoaren 17an. Hainbat esku-hartze artistiko izan dira tartean. Inpakturik handiena, ibilbidean... [+]