Israel-Premier Tech txirrindulari taldeak parte hartuko du Euskal Herrian hasiko den Frantziako Tourrean. Euskal Herriko Palestinarekin Elkartasun mugimenduak presentzia sionistaren aurka eta Palestinaren askatasunaren aldeko aldarrriak erakustera animatu nahi ditu zaleak.
Frantziako Tourrean Israel-Premier Tech izeneko txirrindulari taldearen parte hartzea dela eta, Palestinaren askatasunaren alde eta "adierazpen sionista ororen aurkako" aldarrikapenak egitea eskatu dute.
Aipatu txirrindulari taldea “estatu terorrista zuritzeko” estrategiaren parte dela salatu du Euskal Herriko Palestinarekin Elkaratasun mugimenduak. Euskal Herrian ez direla ongi etorriak erakusteko bandera palestinarrak ateratzera dei egin dute.
Taldearen nondik-norakoak
2015. urtean egin zuen debuta taldeak maila profesionalean. Horrezkero, taldea handituz joan da eta geroz eta txapelketa gehiagotan parte hartu du. Esaterako, 2019an parte hartu zuen lehen aldiz Frantziako Tourrean.