Pablo Iglesias: “Hauteskundeek argi utzi dute Espainia herrialde nazio-aniztuna dela”
Podemos alderdi bozkatuena izan da Hego Euskal Herrian eta Herrialde Katalanetan, eta bigarren indarra Galizian. Ez da kasualitatea beraz, emaitzen berri izan ostean Pablo Iglesiasek lurraldetasunaren gaiari heldu izana.
Podemosek Espainiar estatuan lortutako 5.189.333 botoetatik, 2.516.204 –ia erdia– Euskal Herrian (397.402), Herrialde Katalanetan (1.710.427) eta Galizian (408.370) lortu ditu.
Emaitzak baloratzeko emandako hitzaldian Euskal Herrian eta Herrialde Katalanetan lortutako emaitzak ekarri ditu lehenik gogora Podemoseko hautagaiak: “Lehen indarra gara Katalunia eta Euskadin, eta bigarrena Madrilen, Valentziako Autonomia Erkidegoan, Nafarroan, Balearretan eta Galizian”. Podemosen eta “Aldaketaren Indarren” emaitzak ikusita, Espainiak “ezinbestean” lurraldetasun akordio berria behar duela adierazi du Iglesiasek: “Estatuko indar politiko bakarra gara herrialdearen nazio-aniztasuna errespetatuko duen akordioa zuzentzeko”.
“Hauteskundeek argi utzi dute Espainia herrialde nazio-aniztuna dela”, adierazi du Iglesiasek hitzaldia bukatzeko.
Katalunia ere izan du hizpide: “Katalunia nazio bat da, eta konstituzioan ahokadura berezia izan behar du. Erreferendum baten aldekoak gara”.
Mariano Rajoyren inbestiduraren aurka, larunbatean manifestaziora deitu du 25-S erakundeak. Rajoy presidente bihurtuko duen inbestidura saioarekin batera abiatuko da. “Mafiaren kolpearen aurrean, demokrazia” leloarekin abiatuko da.
Espero zenez, Mariano Rajoy PPko hautagaiak ez du lortu Espainiako presidente izateko behar adina babes inbestidura saioko lehen bozketan. Baiezko 170 boto jaso ditu jarduneko presidenteak, eta 180 ezezko. Ez da abstentziorik izan.
Lehendakariak “oportunismoa” egotzi dio EH Bilduri Eusko Jaurlaritzaren ikasturte berriko lehen kontseilu bileraren ostean. Espainiako Gobernuari, abertzaleak mespretxatzea.
Hauteskunde biharamuneko ARGIAren azal honek eskaintzen zuen irudia ez zen txantxetakoa. Hori da Mariano Rajoyren ahotan entzungo den diskurtsoa, Espainia urdinarena. Tribunatik Espainiako eskuinaren nagusitasun ia erabatekoa barreiatuko da.
Datozen 48 orduetan PPk bere eskaerak betetzen ez baditu, inbestidura saioan baiezkoa emateko negoziaketak bertan behera utziko ditu Ciudadanosek.