Oxfamek dio AEBko 50 korporazio handienek 1,4 bilioi dolar gorde dituztela paradisu fiskaletan
Applek 181.000 milioi dolar, General Electricek 119.000 milioi, Microsoftek 108.000 milioi… eta horrela AEBetako 50 multinazional handienen artean 1,4 bilioi dolar osatu arte. Oxfam erakundeak kopuru horietan zehaztu du 2008tik 2014a bitartean ogasun publikoari zergarik ez ordaintzeko egindako iruzurra.
Ostegunean, apirilak 14, plazaratutako “Broken at the top” dossierrean aurreratu ditu datuok Oxfamek, eta koadro honetan laburbildu banan bana 50 korporazio erraldoi horiek ezkutatuko diruak, alderatuz AEBetako gobernuagandik jasotako diru-laguntzak. Izan ere, zergak ordaintzerakoan hain zuhur eta uzkur jokatzen duten multinazionalok 2008-2014 epe berean gobernuagandik jaso zituzten 11,2 bilioi dolar bateko eta besteko diru-laguntzatan.
Dossierraren laburpenean dio Oxfamek: “Multinazionalek saihestutako zergengatik AEBk 111.000 milioi dolar galtzen dituzte urtero eta herrialde pobreei 100.000 milioi gehiago zurrupatzen dizkiete, horrela galaraziz hauek behar dituzten inbertsioak hezkuntzan, osasun zerbitzuetan, azpiegituretan eta txirotasuna murrizteko bestelako politiketan”.
Zergen saiheste eta iruzur hau gabe, azpimarratu du Oxfamek, ezin da ulertu azken urteotan munduko aberatsenen eta txiroenen arteko leizearen handitzea. Gero eta murritzagoa eta dirudunagoa den elite txikiak abokatu eta aholkulari armada bat dauka bere zerbitzura agintariek onartu ditzaten paradisu fiskalen bidezko zerga ihes horiek baimentzen dituzten legeak.
Panamako Paper famatuen eskandaluaren erdian zabaldu ditu datuok Oxfamek. Informazio garrantzitsua, orain artean Panamatik iritsitako informazioek ez dutelako iruzur itzelaren zati kasik anekdotikoa baizik azaleratu.
Mundakako alkatea Mikel Bilbao zen gertaerak deskribatzen diren garaian, 2019 eta 2020an, eta EAJko herriko Uri Buru Batzarrak presioa egin zion aurreko udalak kontratatutako zerbitzu juridikoak berriz kontratatzeko. Udaleko idazkariak kontratazio horren aurkako txostena egin... [+]
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]