Arnaldo Otegi: "Ez gaude turismoaren aurka, baina baditugu desadostasunak egungo ereduarekin"

  • Asteazkenean EH Bilduk eta Gipuzkoako Ostalaritzako Enpresarien Elkarteak izandako bileraren berri eman dute Arnaldo Otegi EH Bilduko idazkari nagusiak, Maialen Iriarte EH Bilduko parlamentariak eta Juan Carlos Izagirre Donostiako alkate ohiak: “Adostasunak desadostasunak baino handiagoak dira”.

ARGIA @argia
2017ko abuztuaren 17a
Eizagirrek azpimarratu zuen bere agintaldian turismoa hazi egin zela Donostian. (Arg.: EITB)

Arnaldo Otegiren esanetan EH Bildu ez dago turismoaren aurka, “hori tentelkeria galanta litzateke, guztiok garelako turistak”. Otegiren aburuz, turismoak badu bere garrantzia Gipuzkoako eta herri osoaren Barne Produktu Gordinean eta, beraz, “garrantzitsua da herrialdearen ekonomian eta zentzugabekeria litzateke gu turismoaren aurka izatea”.

Otegik adierazi zuen, hala ere, badituztela desadostasun batzuk lurraldean zabaltzen ari den turismo ereduarekin. Gipuzkoako ostalarien ordezkariekin izandako bilerari dagokionez, azpimarratu du bilkuran ikusi dela adostasunak desadostasunak baino handiagoak direla.

Bilera giro lasai eta onean egin zela zehaztu zuen Otegi, eta “paisaia eta gastronomiaz gain” Euskal Herriaren “identitate nazionala eta kulturala ere saldu behar dugula”. EH Bilduko ordezkariek zehaztu zuten, halaber, sektorean lan baldintza duinak izan daitezela eskatu zietela ostalarien ordezkariei.

Arnaldo Otegiren Twitter kontuan ikus daitezke bileraren hainbat pasarte.

Kanal hauetan artxibatua: Turismoa  |  EH Bildu  |  Donostia

Turismoa kanaletik interesatuko zaizu...
2018-01-16 | Miren Osa Galdona
EAJk izan ezik, alderdi guztiek Donostian Miramar jauregian hotel bat eraikitzearen aurka egin dute

Donostiako Miramar jauregian hotel bat egiteko eskaera atzera bota dute Gipuzkoako Batzar Nagusiek. EAJk izan ezik, PSEk, PPk eta Ahal Duguk EH Bilduren proposamena babestu dute eta jauregiaz arduratzen diren Foru Aldundiko ordezkariei ere ezezkoa bozkatzeko gonbita luzatu diete. Jeltzaleek diote ez dela “aukerarik baztertu behar jauregiaren gastu ekonomikoei aurre egiteko".


2018-01-15 | Miren Osa Galdona
Turismoa Espainian: arrakasta langileen miseriaren bizkar

Mariano Rajoy Espainiako Gobernuko lehendakariak “harro” adierazi du EBko bilera batean turismoaren datuak “historikoak” direla eta Espainia jada nazioarteko bigarren helmugarik gogokoena dela mundu osoko turistentzat. Iaz 82 milioi turistek bisitatu zuten Espainia, duela bi urte baino %6 gehiago. Datuok, ordea, ez dute merkatuaren alde iluna azaltzen: 2017an sinatutako kontratuen %97 prekarioak dira. Langileen lan baldintzak “negargarriak” direla adierazi... [+]


"Lapurdi kostaldean hirigintza ereduak hizkuntza politikak baino askoz eragin handiagoa du"

Eneko Gorri (Angelu, 1983) euskaltzale militante izateaz gain Biarrizko Herriko Etxeko euskara teknikaria da. Lapurdi kostaldeko hirigintza ereduak euskal hiztunen bilakabidean duen eragin handiaz ohartarazi nahi izan gaitu: “Biarritzek hamarrez biderkatuko balu ere euskarari ematen dion aurrekontua ez luke eragin handia izango hemendik 50 edo 100 urtera”. Jendarte ereduak eredu, euskaltzale-izokinak ur xaloagoetara iritsiko direla sinesten du.


2017-12-01 | Uriola.eus
Turismoaren ondorioak eta erantzun posibleak aztergai Bilbon

Turismoak hiriak eta, batik bat, erdigune eta alde zaharrak eraldatu ditu azken urteotan Bilbon, Donostian eta beste hamaikatxo herri eta hiritan. EH Tourist plataformak ostiralean eta larunbatean antolatu dituen jardunaldietan turismoaren inguruan hausnar egitera gonbidatu ditu hainbat lagun kiritiko.


2017-11-19 | Axier Lopez
"Masifikazio turistikoak nazioartean anti-eredu bilakatu du Bartzelona"

Andrés Antebi eta Claudio Milano Bartzelonako antropologoak Turismografías proiektuaren sortzaileak dira, Venezia, Lisboa, Costa Brava eta Mallorcako beste lau kiderekin batera. Proiektu horren bitartez, turistifikazioaren inguruan sortutako herri mugimendu eta borrokak datuz eta tresnaz hornitu nahi dituzte, eremu akademikoko mugak gaindituz. Gisa honetako proiektuak giltzarri izan dira Bartzelonan orain dela gutxi arte ukiezina zena ezbaian jartzeko: Denis Itxasoren hitzetan... [+]


Larrun kaskora mendi martxa antolatu dute azaroaren 19rako

Larrun Ez Hunki kolektiboak mendi ibilaldia antolatu du heldu den iganderako, azaroak 19, Iparraldeko agintariek bertako tren famatua zaharberritzearekin batera mendi mitikoan eragin nahi dituzten aldaketei aurre egiteko. Azkaine, Bera, Sara eta Urruñatik abiaturik, lau zutabetan igoko dira gailurrean bat egiteko.


2017-10-27 | Miren Osa Galdona
Pisu turistikoen %56 ilegala dela salatu du EH Bilduk

Jaurlaritzak  eginiko ikerketa baten arabera, 9.000 plaza inguru daude Araban, Bizkaian eta Gipuzkoan. Iker Casanova legebiltzarkideak adierazi duenez, eskaintzen diren etxeetatik 2.049 egoera ilegalean daude. Gipuzkoan daude eskaintza gehienak, Donostian, batez ere. Bost hilabeteko epean legeztatzeko eskatu du.  


'Handia' filmak dagoeneko badu eragina Altzon egiten diren inbertsio turistiko publikoetan

200.000 euro jarriko ditu Gipuzkoako Foru Aldundiak, besteak beste, Altzoko Handiari buruzko Handia filmak erakarriko dituen bisitari kopuruari harrera egiteko egitasmoentzat.


2017-09-03 | Mikel Asurmendi
Larrun 2020 proiektua: turismo masiboa sustatuko ote duen beldur

Larrun 2020 egitasmoa Larrungo trenaren ingurumaria berritzeko proiektua da. Azkaine, Sara, Urruña eta Bera herrien magalean ez dago giro. Proiektuak eztabaida zalapartatsua eragin du. Larrun Ez Hunki kolektiboa eratu da egitasmoaren aurka.


2017-08-23 | Mikel Asurmendi
Larrun 2020 proiektua: turismo masiboa sustatuko ote duen beldur

Larrun 2020 egitasmoa Larrungo trenaren ingurumaria berritzeko proiektua da. Azkaine, Sara, Urruña eta Bera herrien magalean ez dago giro. Proiektuak eztabaida zalapartatsua eragin du. Larrun Ez Hunki kolektiboa eratu da egitasmoaren aurka.


Azkenak
EGILEA
Eguneraketa berriak daude