Ostiral Beltza: kontsumismoak ingurumenean eragiten dituen ondorio larriak

  • Arroparen erabilgarritasuna urtebete luzatzeak, berotegi efektuko gas isurketa %24 murriztu eta ur kantitate handiak aurreztuko lituzke, Greenpeacek zabaldutako datuen arabera.

Ainhoa Bretos @ob_ainhoa
2016ko azaroaren 25a

Moda munduko joeren eta ehungintzak sortzen dituen hondakinen inguruko ikerketa argitaratu du Greenpeacek, eta agerian utzi ditu gehiegizko kontsumismoak dakartzan ondorioak. Ostiral Beltza (Black Friday) delakoaren harira plazaratu du txostena. Eskaintza bereziak egiten dituzte ehunka marka eta dendak urtero Ostiral Beltzean.

Ikerketaren arabera, arropa ekoizpena bikoiztu egin da 2000 eta 2014 urteen artean. Salmenta ia bilioi bat eurokoa zen 2002an, 1,7 bilioi eurokoa 2015an, eta kalkulatzen denez, 2 bilioi eurokoa izango da 2025ean.

Horrek dakarren ingurumen inpaktua aztertu du Greenpeacek. Ehungintza fabriketatik substantzia kimikoak isurtzen dira, ibai eta itsasoak kutsatuz. Laborantza lurrak ere kaltetzen dituzte fabrikek, kotoi langintzarako baliatzen dituzten pestizida eta energia maila altuak direla eta.   

Horrez gain, zuntz sintetikoen erabilpenak gora egin duela azaldu du txostenak, bereziki poliesterrarena. Material horrek CO2 kantitate handiak igortzen ditu, kotoiak baino hiru aldiz gehiago, eta hamarkadak behar ditu degradatzeko. Greenpeacek azaldu duenez, birziklapena ez da irtenbidea, baztertutako arropaz gainezka daudelako merkatuak, eta horien birziklapen osoa ziurtatzen duten teknologiak ez direlako bideragarriak. Hori dela eta, berrerabili daitekeen arropa ekoiztu behar da, iraunkorra eta konpongarria dena, ikerketaren arabera.

Izan ere, arroparen erabilgarritasuna urtebete luzatzeak, berotegi efektuko urteko gas isurketa murrizten du %24, Greenpeacek azaldu duenez. Horrez gain, ur kantitate handiak aurreztuko dira modu horretan, eta substantzia arriskutsu gutxiago askatuko dira ingurumenera.     

Greenpeacen Detox kanpainiak 78 enpresen babesa jaso du 2011tik. Horrez gain, gero eta jende gehiagok erabaki du ‘Black Friday’ delakoaren ordez, ‘Buy Nothing Day’ ospatzea, ezer ez erosteko eguna, alegia.  

Kanal hauetan artxibatua: Kontsumismoa  |  Kutsadura  |  Greenpeace

Kontsumismoa kanaletik interesatuko zaizu...
2018-06-15 | Nahia Ibarzabal
Hazparnen bukatuko da kontsumo ereduaz eztabaidatzea xede duen Bizi egunak dinamika

Bilbo, Iruñea, Donostia eta Gasteiztik igaro ondoren, Hazparnen emango zaio amaiera LAB sindikatuak antolatutako dinamikari.


Neoliberalismoak euskarari (I)

Gure herriaren kultur-asimilazio eta –ordezkatze prozesu luzea testuinguru kapitalista batean gertatzen ari da. Merkatu-ekonomiaren ezaugarriek eta irizpideek ere azaltzen dute euskarak jasandako gutxitzea, eta eragiten diote bere garapenari. Batetik, kontsumo-gizartearen logika honek ez duelako euskararen alde (aski) egin, oraingoz behintzat. Merkatuak kulturaren uniformizazioa bultzatzen du, errazago saltzeko, gainbalioa eta aberastasunak biderkatzeko. Lukurreriak hizkuntza nagusiak... [+]


2018-04-01 | Adur Larrea
Ez hanka ez buru
Euskal kultura salgai

Kontsumismoa mahai gainera
MULTIMEDIA - Blai, gazteon telebista

Kontsumo ereduaren eta prekarietatearen bueltan aritu dira eztabaidan Mahai Gainera emankizunaren bigarren saioan. Olatukoopeko Amaia Oleagak, Eragineko Eneko Errastik eta Estitxu Agirre langile gazteak gazteen egoera aletu eta alternatibak proposatu dituzte, Aitor Altuna aurkezleak gidatuta


2018-01-23 | Steve Cutts
Zoriontasuna
MULTIMEDIA - film laburra

Steve Cutts ilustratzaile ezagunaren azken lana. Mugarik gabeko kontsumoaren bitartez zoriontasunaren bila ari den gizarteari buruzko kritika gordina da.


2017-12-26 | ARGIA
Azalera handiko merkataritza guneen salmenta %2,5 hazi da 2017an EAEn

Eustat estatistika institutuak emandako datuen arabera, elikadura saltoki-kateek eta azalera handiko supermerkatu eta dendek hazkunde nabarmenarekin amaituko dute 2017 urtea. Hala, azarora arteko hamaika hilabetetan %2,5eko hazkundea izan dute eta azaroan igoera hori %3,4koa izan da gainera, aurreko urtekoarekin konparatuz.


Green Slow Gabonak

Plastikozko jostailuak oparitzetik egurrezkoak oparitzera igaro ginen, lehenik. Egindako opariak oparitzetik egitekoak oparitzera, gero.

Orain etxerako banbuzko sushi-kit bat oparitzen dugu. Edo Marokoko tajinetan inspiratutako terrakotazko slow-cooker-a. Are hobeto. Urte osorako Kundalini yoga ikastaroa. Izen-ematearekin batera, Indonesiako Gunung Leuser parke naturala oihan-berritzeko landatuko den zuhaitz-hazi bat erosten ari zara. Egin yoga; salbatu orangutanak. Kalamuzko estera... [+]


Ez dugu ikusi nahi

Zergatik egiten dugu geure Black Friday, Cyber Monday, Halloween eta kontsumoa handitzeko AEBetatik datozkigun moda berri oro? Zergatik guk hartzen dugu haiena eta ez alderantziz? Galdera erretorikoa da, bai. Munduan buruko gehien kontsumitzen duen gizartetik datoz ekimenak eta mugarik gabeko kontsumoa behar, ranking horretan lehena izaten jarraitzeko.


2017-11-05 | Andoni Mikelarena
"Haurrek Halloween ospatzeari esker jakin dugu gurean ere kalabazekin jolasten zutela duela ehun urte"

Halloween ospatzera gonbidatu zutela esan zion alabak Jaime Altunari eta honek festara joaten utzi zion, baina deseroso sentitu zen. Altunak bere aitari kontatu zion gertaturikoa, eta honek erantzun, eurek ere ospatzen zutela halakorik. Fenomenoa ikertzen urte eta erdi eman dute Jaime Altuna eta Josu Ozaita antropologoek. Itzalitako kalabazen berpiztea. Arimen gaua, Halloween eta Gau Beltzaren haur ospakizunen ikerketa etnografikoa osatu berri dute, Eibarko Udalaren Juan Sanmartin bekari... [+]


Pepsiren itsas armada sobietarra

Mosku, 1959ko uztaila. New Yorken SESBri buruzko erakusketa bat prestatu eta hilabete batzuetara, Sobietar Batasuneko hiriburuan AEBetako Erakusketa Nazionala antolatu zuten, Gerra Hotza pixka bat epeldu nahian. Erakusketako standak bisitatzen ari zela beroaldia jasan behar izan zuena Nikita Khrustxev Alderdi Komunistako lehen idazkaria izan zen, beharbada Moskuko udako tenperaturengatik ala, agian, AEBetako presidenteorde eta erakusketako gidari Richard Nixonen ohiko hitz-jario astunaren... [+]


Azkenak
EGILEA
Eguneraketa berriak daude