Ossau Irati, Idiazabal edo Erronkari gasnak Kanadan ekoiztuak CETArengatik?

  • Europa eta Kanadaren arteko libre merkatuko akordioak hainbat sor marka ez ditu babesten. Ossau Irati ardi gasna sor marka horietarik da eta ELB sindikatak salatu du joan den astean CETA izeneko akordioa onartua balitz, Ossau Irati eta beste hainbat izen libreki erabiltzen ahalko dituztela Kanadako laborari eta enpresek.

Etxalde
2016ko maiatzaren 25a
Lapurdi, Nafarroa Beherea, Zuberoa eta Biarnoko ardien esnez egiten da Ossau-Iraty sor markako gasna.

CETA (ingelesezko sigletan, Itun Ekonomiko eta Komertzial Integrala) libre merkatuko akordioa hau negoziatu da hilabete luzez eta Europako agintariek bozkatu beharko dute urte bukaeran. Kontrako bozka emaitea galdegin die ELBk eurodiputatueri bai eta franses parlamentarieri. «Ossau Iraty izeneko gasna, Kanadan ekoiztua, 10€/kg merke saldua frantses supermerkatuetan, hara zer etorkizun prestatzen daukun CETA, Europa eta Kanadaren arteko merkatu libreko akordioak», salatu du sindikatak. «Argi da hango ekoizleek, ala esne egiteko tailer erraldoiek, ez dutela arau berezirik ezarriko ekoizpen moldeetan, Euskal Herriko eta Biarnoko hazleek ez bezala. Hain segur gasna merkeago proposatzen ahalko dute ere, hemengo ardi sailako ekonomia osoa kaltetuz», gehitu du.

Leku nekeetan balio erantsiaren sortzeko tresnak direla sor markak azpimarratu du sindikatak, tokiko ontasunak baliatuz eta kalitatea lehenetsiz. «Ezin dugu erran Kanadako enpresak hasiko direnez Ossau Irati ekoizten eta zoin den egiazko irriskua. Bainan badakigu gure gasnaren merkatua osagarri onean dagola mementoan eta dirua egiten ahal dela iduritzen bazaio amerikar enpresa bati, ez du deus oztoporik gure izena libreki erabiltzeko», zehaztu du Jean-Paul Duhalde ELBko bozeramaileak.

CETA akordioan, negoziazioaren ondorioz, 174 ekoizpen zerrendatuak dira, Kanadak bere lurraldean babestuko dituen Europako jatorrizko izendurak dira. Alta Europak 1400 jatorrizko izendura baditu, ia %90a bide bazterrean gelditzen da beraz. Ossau Irati bezala, Korsikako Brocciu ardi gasna zerrendatik kanpo da, bai eta Idiazabal edo Erronkariko ardi gasnak (Espainiako Estatuari buruz, bi gasna baizik ez ditu babesten akordioak: Manchego eta Mahon-Menorcako izendurak).

Txerriki produktoetan ere (urdaiazpiko, etab), egoera berdina da. CETAk sortuko duen merkatu liberal haundi eta mugarik gabekoan, sor marka gehienak sakrifikatu ditu Europak. Alta, denek estatutu eta ezagupen legal berdina dute Europan. CETAren baitan babestuak diren eta ez diren sor marken tratazeko manera desberdina dela eta, Jose Bové frantses eurodiputatuak dio Europako Justizia Gortearen aitzinera ekarri behar dela afera hau eta CETAren kaltetzeko aukera zinezkoa dela. Lan horri lotua da, ipar Euskal Herriko eragile batzurekin.

Frantzia mailan, TAFTA, edo Europa eta Ameriketako Estado Batuen arteko akordioak, hedabide eta politikoen atenzioa azkarki pizten du garai huntan. TAFTArekin duten ezadostasuna erakusten dute frantses gobernu kideek, negoziazioak txartzen ari direlako. «CETA ez da aipatzen alta bi akordioek lanjer berdinak ekartzen dituzte eta arrunt lotuak dira» , adierazi du ELBk. Jendartearen presioaz, CETAren onarpena oztopatu behar dugu, libre merkatuko akordio guziek bezala, talde haundi pribatu zonbaiten interesen alde baizik ez baita».

Kanal hauetan artxibatua: Laborantza  |  TTIP/TAFTA

Laborantza kanaletik interesatuko zaizu...
2018-02-15 | ARGIA
EHKOlektiboak agroekologiaren 11. topaketak burutuko ditu larunbatean Uztaritzen

EHKOlektiboak Euskal Herrian agroekologian ari diren laborariak biltzen ditu. Lau sailetan egiten du elkarte honek lan: laborantza biologikoa, bertako ekoizpenak eta salmenta zuzenak, elikadura burujabetza eta ikuspegi soziala. Datorren larunbatean, 17, Uztaritzen burutuko ditu bere 11. topaketak.


Esklabo lana behar da janari merkeak ekoizteko Europako masarentzat

Kopa bat ardo baino merkeagoko oilaskoa, hutsa balio duen saltxitxa, Andaluziatik edo Marokotik etorrita ere bertako sagarra baino gutxiago kostako zaizun marrubia... nola litezke hain prezio merkeetan supermerkatuan? Low cost elikagaiok ezkutatzen dituzte, banatzaileek baserritar txikiei egiten dieten bulling-az gain, nekazaritza industrialaren katean ari diren milaka langileren miseriazko soldatak. Esklabo lanean dihardute Mediterraneoan... baina baita Alemania aberatsean ere.


2018-02-05 | Laborari
"Zaila da uztartzea libro diren etxaldeak eta martxan ezarri nahi diren proiektuak"

Hogoita hamar pertsona baino gehiago bildu da ELB Gazte eta AFI-k antolatzen zuten bigarren kafe instalazioan urtarrilaren 25ean Donaixtin. Jean-Bernard Pochelu eta Intza Recak transmisioa nola bizi eta ikusten duten esplikatu diete Briseteia ostatuan bildu zireneri.

 


Denborarekin sendotu eta zabaldu den elkarlanaren gakoak

Bake prozesuaren aldarriak Ipar Euskal Herrian daukan sostengu zabalari xeheki begiratuz gero, ohartzen gara sustrai bat baino gehiago dagoela oinarrian eta guztiak direla kontutan hartzekoak. 90eko hamarkadan hasi eta 2000ko hamarkadan sendotu egin dira abertzale eta abertzale ez direnen arteko elkarlanak, lurralde antolaketatik hasirik, geroz eta politikoagoak diren esparruetara hedatuz. Hamaika aldaketak ahalbidetu du gaur egun begibistakoa den elkarlanerako gaitasuna.


2018-02-04 | Irati Elorrieta
Glifosatoa eta ni

Gure harremanaren kronologia laburra egingo dut soilik oroimena erabiliz, hau da, sarean gaiaz ikertu gabe. Hitz berria 2017ko udaberrian agertu zen nire bizitzan, gure etxean: Glifosatoa. Erabateko intrusioaren bidetik, produktu ekologikoz osatutako erosketa baten gehigarri eskatu-gabean aurkeztu zen. Gainbegiratu baino ez nuen egin. Ez nintzen gaizki sentitu gaiaz ezer ez jakiteagatik. Gai pila pasatzen dira ohartu gabe. Trenean eserita doan bidaiariari paisaiaren zati handiena leihotik kanpo... [+]


2018-01-22 | Andrea Zubozki
Rockari kolpe bat buruan

Euskal Herriko Laborantza Ganbararen Festan Kaskezur taldeak emandako kontzertuaren kronika. Urtarrilaren 20an, Ainize Monjolosen.

Kaskezur taldearen hurrengo kontzertuak: urtarrilaren 27an Elizondon; otsailaren 16an Larrabetzun; otsailaren 17an Sopelan; otsailaren 23an Hondarribian; martxoaren 16an Bilbon; martxoaren 23an Gasteizen...


2018-01-21 | Agin Rezola
"Bertsolaritza lotzea sagardotegi edo taberna munduarekin, ez da txarra"

Apaizak ardoarekin lotzen diren bezalaxe lotzen dira bertsoa eta sagardoa. Bi mundu ezberdin, baina elkarri oso lotuta daudenak. Hanka bat mundu banatan du Unai Agirrek. Batetik, Euskal Sagardoa jatorri deiturako koordinatzaile gerentea da eta bestetik, Euskal Herriko Bertsolari Txapelketa Nagusiko finalean aritu da. Orbita horretatik irten gabe bildu gara hernaniarrarekin.


2018-01-21 | I˝aki Sanz-Azkue
Sagardoa eta garagardotarako lupulua nahasten direnean...

Garagardoa egiteko erabiltzen den lupulua eta sagardoa nahastean ateratzen den edaria berezia da. Zaporea, freskotasuna eta nortasuna; hiruak omen ditu. Ameriketako Estatu Batuetan eta Kanadan arrakasta handia du, eta Galizian ere atera dute halakorik, bertako sagarra eta kanpoko lupuluarekin egina. Euskal Herrian, ordea, sagardo lupuluduna edari arrotza da. Oraingoz.


2018-01-21 | Jon Torner Zabala
"Ezinbestekoa da sagastietan makinekin lan egin ahal izatea"

Sagardo Forum jardunaldietan “Sagarrondoaren egoera Euskal Herrian” hitzaldia eman du Sagarlan aholkularitza-enpresako teknikari Aitor Etxeandiak. Hurrengo egunean aurrez-aurre elkartu gara berarekin, Hernaniko solasaldian esandakoez gehiago sakondu aldera.
“Zuekin hitz egin eta gero sagasti bat begiratzera noa, lurra-eta zer moduzkoak diren ikustera”, kontatu digu. “Sagarrondo asko ari dira landatzen lehen ganaduarentzat ziren larreetan edota pinuek libre... [+]


2018-01-21 | Jon Torner Zabala
Natura eta historia batzen dituen ibilbidea

Sagardotegi-plana osa dezakeen proposamen bat ekarri dugu orriotara, Aiako natur parkearen mendebaldeko muturrean barneratzen den ibilbide zirkularra, zailtasun txikikoa eta nahikoa motza (3,7 km). Historian atzera egiteko parada izango dugu, bidean topatuko ditugun arta-mugarri eta trikuharrien altzoan oinez.


Azkenak
EGILEA
Eguneraketa berriak daude