Osakidetzako oposizioen auziaren harira, Angel Loma-Osorio, Arabako Unibertsitate Ospitaleko kardiologoa izan da lehena dimisioa aurkezten, irregulartasunak antzeman dituelako, Hala Bedik jakinarazi duenez.
Kardiologiako epaimahaian zegoen Loma-Osorio eta “justizia eta aukera berdintasuna arriskuan jartzen dituzten ezaugarriak atzeman ditut” adierazi du.
Oraindik badu gauzak aldatzeko esperantza: bere salaketa eta gero, erakundeak mugimenduak egingo dituenaren konfiantza adierazi du. “Arabako Unibertsitate Ospitalean, horrelako gauzarik ez gertatzeko lana egin izan da”.
Bitartean, Jon Darpon Osasun Sailburuak, irregulartasunak adierazten dituzten frogak egon ezkero aurkezteko eskatu du.
Osakidetzako oposizioen iruzurren auzia pasa den astean irten zen plazara, azterketen noten artean desberdintasun handiak antzeman zituztelako. Inpugnazioa egin zuen lehen sindikatua LAB izan zen.
Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.
Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.
Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".
3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]
LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.