Kardiologian, anestesian eta angiologian egingo da berriro azterketa, ez ordea, kirurgia plastikoa eta konpontzaile espezialitatean.
Osakidetzako Zuzendari Nagusia den Maria Jesus Mujikak asteazkeneko prentsaurrekoan adierazi duenez, salaketa ikertzeko osatutako epaimahaiaren erabakia izan da hiru espezialitateetan azterketa berriz egitea. Kirurgia plastikoa eta konpontzailea kategorian egindako azterketaren emaitzekin aurrera jarraituko dute ordea.
Mujikak azaldu duenez, “ez da antzeman filtrazio zantzurik baina ikusi dira zenbait akats”. Informazio espedientea aztertu ondoren ateratako ondorioak, hilaren 19an aztertuko dituzte Eusko Legebiltzarrean Osakidetzak, Osasun Sailak eta IVAPek.
Ekain hasieran, hainbat mediku, alderdi politikok eta sindikatuk osakidetzako hautaprobetan iruzurrak daudela salatu zuten. Ondorioz, azterketa batzuk eten egin zituen Osakidetzak.
Uztailean salaketak areagotuz joan dira asteartean LAB eta ESK sindikatuek jakinarazi dutenez. ESK-k irregulartasun zantzu gehiago aurkitu ditu eta LABek beste zazpi espezialitate ere susmagarriak direla gaineratu du.
Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.
Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.
Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".
3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]
LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.