Karlos Martinez eta Lander Etxeberria LAB sindikatuko kideek prentsaurrekoa eskaini zuten atzo Bilbon, Jaurlaritzak oro har eta Osakidetzak zehazki, Lan Eskaintza Publikoetan euskarari ematen dioten trataera salatzeko. Azterketak euskaraz egiteko materiala berandu argitaratu dutela adierazi zuten, eta hizkuntza eskakizuna derrigorrezkoa ez den lanpostuetan euskararen ezagutzari dagokion puntuazioa ez zaiola ematen.