Oria paper-fabrikak isurketa bat izan zuen Oria ibaira joan den astelehenean

  • Zizurkil eta Villabona-Amasa artean izan zen isurketa astelehenean, Eguzkik jakinarazi duenez. Isurketa ez da oso kaltegarria izan, talde ekologistaren arabera.

Lukas Barandiaran San Roman
2017ko maiatzaren 15a
Oriako paper-frabrikak izandako isurketa. (Arg.: Eguzki)

Kaltzio karbonato (CaCO3) isurketa izan zen, antza denez gai oso ohikoa paper-fabriketan papera leundu eta sendotasuna emateko. Substantzia arriskutsua izan daiteke kantitate handietan, baina Eguzkik esan duenaren arabera, ez da hala izan ez baita hildako arrainik agertu Orian.

Isurketa Oriako paper-fabrikako balbula batek huts egin eta gero gertatu zen. Aldi honetan larritasun handirik eduki ez duen arren, Eguzkik ohartarazi du argi geratu dela halako enpresek ez dituztela beharrezko azpiegiturak halako arazoei aurre egiteko; eskaera egin diote enpresari egoera hauek errepika ez daitezen beharrezko neurriak har ditzaten. Uraren Agentziari, berriz, egoera bertsuan dauden enpresa eta lantegiei beharrezko prebentzio neurriak eskatzea galdegin diote.

 

Kanal hauetan artxibatua: Kutsadura  |  Villabona-Amasa

Kutsadura kanaletik interesatuko zaizu...
2017-10-13 | Unai Brea
Monsantoren eskuliburua: zientzialarien lana desitxuratu, pozoia saltzen jarraitzeko

Urriaren 25ean glifosato herbizidaren merkaturatze-baimena luzatu edo eteteaz bozkatuko dute Europar Batasuneko estatu kideek. Aurtengo abenduaren 31n iraungiko da gaur egun indarrean dagoen baimena, eta Europako Batzordeak beste hamar urterako berritzea proposatu du, 2015ean IARC erakundeak –minbizia aztertzen duen OMEren menpeko organismoa– glifosatoa seguraski kantzerigenoa dela esan arren.


2017-10-08 | Unai Brea
"Ebidentzia nahikoa dago kutsatzaile hormonalen kalteez, garaia da neurriak hartzeko"

Nicolás Olea medikuntza katedradunak hamarkadak daramatza disrupzio endokrinoa aztertzen. Hau da, gure sistema hormonalean eragiten duten eta nonahi ditugun substantziez du ardura. Osasun publikoko arazo handi horri behar bezalako irtenbiderik ez ematea salatzen du, eta mezu horrexekin etorri zen Bilbora iragan irailaren 25ean.


2017-10-05 | Unai Brea
Europarlamentuak ezetz esan die kutsatzaile hormonalak definitzeko Batzordearen irizpideei

Estrasburgon egindako saioan, Eurolegebiltzarrak ezetz esan dio kutsatzaile hormonalak definitzeko Europako Batzordeak –saiakera askoren ostean–  aurkeztutako irizpide sortari. Batzordearen testuak zientzialari ugariren kritikak jaso ditu, hala nola Europa osoko talde ekologista eta kontsumitzaile elkarteenak, herritarren osasuna babesteko nahikoa ez delakoan.


2017-09-27 | Unai Brea
Lindanoz kutsatutako guneen garbiketa ziurtatu dadila eskatu dute ekologistek Eusko Legebiltzarrean

Ekologistak Martxan taldeko ordezkariak Eusko Legebiltzarreko Ingurumen Batzordean izan dira, EH Bilduen eskariz, Espainiako Estatuan lindanoak eragindako kalteei buruzko txostena aurkezten. Europako Legebiltzarrean egindako azken bisitan talde politiko guztiek arazoari irtenbidea bilatzeko hartutako konpromisoa gogorarazi nahi izan dute.


2017-09-26 | Unai Brea
"Ebidentzia nahikoa dago kutsatzaile hormonalen kalteez, garaia da neurri ausartak hartzeko"

Irailaren 25etik 28ra egingo da, Bilboko Mediku Zientzia Akademiak antolatuta, Medikuntza Astearen 44. edizioa. Aurtengo goiburua Osasuna eta kutsadura: Epidemia isila da. Lehenbiziko hizlaria Nicolás Olea Granadako Unibertsitateko medikuntza katedraduna eta disrupzio hormonalean Europako aditu handienetakoa izan da. ARGIArekin hitz egin du hitzaldia hasi aurretik.


2017-09-12 | Unai Brea
Oharkabeko eskandaluak

Milioika tona plastiko ingurumenera jaulkitzeak sortzen dituen arazoez oharturik, gure agintariek aspaldi heldu zioten material horrekiko bizikidetza modu arrazionalagoan antolatzeko lanari. Hurrengo pasartea irailaren 26an izango da; egun horretan, Europako Batzordeak plastikoaren estrategia berria eztabaidatuko du.


Glifosatoa, europar baratzeetatik desagertzear?

Europar Batasunak urtea amaitu baino lehen erabaki behar du glifosatoa –munduan gehien saltzen den herbizida– erabiltzeko baimena luzatuko duen ala ez. Monsantok 70eko hamarkadan merkaturatutako substantzia 40 enpresak baino gehiagok saltzen dute gaur egun; “segur aski minbizi-eragilea” dela esan zuen Minbizia Ikertzeko Nazioarteko Agentziak 2015ean.


2017-09-07 | Anboto
21 isurketa toxiko jasan dituzte Durangoko errekek sei hilabetean

Udalerriko bi errekatan kutsadura kasuak salatu dituzte behin baino gehiagotan herritarrek azken hilabeteena eta Eusko Jaurlaritzaren URA agentziak azterketa egin du.


2017-09-06 | Unai Brea
Txorrotako ur gehiena plastikoz kutsatuta dago ikerketa batek erakutsi duenez

Hainbat herrialdetan egindako ikerketa batek plastiko partikulak atzeman ditu txorrotako uretan. Batez beste, mikroplastikoak aurkitu dituzte aztertutako laginen %83tan. Partikula horiek gure osasunean duten ondorioez ikertu beharra azpimarratu dute zientzialariek.


Azkenak
EGILEA
Eguneraketa berriak daude