Ondarroan literaturari lotzeko amuak prest dituzte asteburu luzean
“Literatur amuak” jaialdiak azaroaren 1era arte iraungo du. Literatura da ardatz, eta musika, dantza, errezitaldi eta bestelakoez gozatzeko aukera izango da Bizkaiko herriko txokoetan.
Ondarroako Udalak antolatu du urriaren 27an abiatu zen jaialdiaren 5. edizioa. Kanpoko amuak asko izango dira, baina etxekoek ere badute haien txokoa. Herrian antolatzen diren literatur ekintzak asteburu luzean biltzeko ahalegina egin du Udalak. Eneritz Basurko euskara alorreko zinegotziaren ustez, “Ondarroa moduko eremu euskaldunean euskal literaturak merezi duen lekua izatea ezinbestekoa da, euskaraz bizi garen moduan euskarazko literatura kontsumitzeko ohitura hartu behar dugu”.
Euskal sorkuntza izango da nagusi, baina galizierari keinua egingo diote. Galizizaleak elkartearen ekimenez, Todos os Mares, o Mar galizierazko poesia emanaldia eskainiko dute urriaren 29an.
Lea-Artibai eta Mutrikuko Hitzak egitarau osoa du lotura honetan.
Araba, Bizkaia eta Gipuzkoako liburutegietan 2,7 milioi mailegu egin ziren 2023an, 2018an baino 100.000 inguru gehiago.
Gizakiak istorio kontatzaileak gara, hainbeste, ezen esan ere egin daitekeen narrazio gaitasuna dela gizaki egiten gaituen ezaugarrietako bat. Kontakizunak behar beharrezkoak zaizkigu geure burua eta errealitatea eraikitzeko, eta bereziki aipatzekoa da ipuin klasikoek horretan... [+]
Uxue Alberdiren lanari begira jarriko gara oraingoan. Lehenengo artikulu honetan helduentzako idatzi dituen ipuinak, eleberriak, saiakera eta kronika hartuko ditugu kontuan. Bigarren artikulu batean ilustratutako anekdotez, istorioez, filosofia liburuez eta idatzizko bertsoez... [+]
Zuloan sartuta egotea ez duk txarrena –esan zion Manuk–, txarrena duk ez jakitea noiz aterako haizen, edo inoiz aterako haizen ere. Lander Garroren Gerra Txikia nobelan, non gerra bateko iheslarien gorabeherak azaltzen dituen, pertsonaien artean, Anna Frank dakarte... [+]