ELAk salatu du Osasunbidean eta Osakidetzan behin-behineko lanpostuak %40 eta %43 direla

  • Sindikatuak dio Osasunbidean behin-behineko lanpostuen portzentajea %40ra iristen dela, eta Osakidetzan %43ra. “Kalitatezko osasun publikoa bermatzetik oso urrun daudela” adierazi du Ainhoa Fernandez ELAko bozeramaileak.

ARGIA @argia  |  Euskalerria irratia @fm983irratia
2017ko ekainaren 06a

Nafarroan langileak kalera atera dira Osasunbiden behin-behineko lanpostu gehiegi daudela salatzera, argudiatuz langile horien jardunean ez-jakintasunak eragina duela eta Osasunbideko erabiltzaileentzat ere ez dela egokia profesionalak behin eta berriz aldatzen ibiltzea.

Behin-behinekotasuna %6ra jaitsi beharko litzatekeela uste du Fernandezek. Baina horretarako, lan eskaintza errealista egin beharko luke Gobernuak, eta ez, joan den astean egin zuen proposamena: "215 plazarekin ez da arazoa konponduko".

Osakidetzan 35.000 langiletik 20.000k behin-behineko enpleguak dituztela esan du ELAk, talde osoaren %43, alegia. Astelehenean izandako Mahai Sektorialaren ondotik argitaratutako oharrean honela adierazi du sindikatuak: “ELAk hasitako demanden harira eta hauek Europako Batasuneko Justizia Auzitegiak berretsi ondoren, administrazio publikoetako eta, bereziki, Osakidetzako behin-behineko kontratuen zati handi bat iruzurrezkoa dela ezarri dute epaitegiek. Ondorioz, Espainiako Gobernuak egonkortzeko aukerak malgutu egin ditu eta behin-behinekotasuna %8ra jaisteko aukera zabaldu du. Osakidetzak aukera hau aprobetxatzeari uko egin dio eta 2016-2017 epealdirako 1.891 lanpostutako EPEa eskaini du, epealdi honetarako aurreikusitako erretiro kopuruarekin bat egiten duen kopurua hain zuzen. Hau da, Osakidetzak egindako eskaintzaren arabera behin-behinekotasuna ez da ezer ere murriztuko”. 

Bai Nafarroako eta bai EAEko ELAren ordezkariek azpimarratu dute “Gobernuek ezin dutela jarraitu ETT modura funtzionatzen”, eta osasun publiko kalitatezkoa bermatzeko neurriak hartzeko eskatu dute.

Albiste honen zati bat Euskalerria Irratiak argitaratu du eta CC-by-sa lizentziari esker ekarri dugu ARGIAra.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Osasuna  |  Prekarietatea  |  ELA  |  Nafarroa  |  Osasunbidea  |  Osakidetza  |  EAE

Osasuna kanaletik interesatuko zaizu...
2018-07-19 | ARGIA
Osakidetzak fiskaltzara eramango ditu oposizioetako iruzurra salatu duten hirurak

Oposaketen inguruan egindako barne ikerketa fiskaltzari aurkeztuko dio Osakidetzak. Erabakiaren arrazoia ez da filtrazioak eman izana, filtrazioak salatu dituzten hiru norbanakoei “iruzur saiakera” leporatu dietela baino.


2018-07-19 | Nahia Ibarzabal
Lau espezialitetan espedientea irekiko da, Osasun sailburuak azaldu duenez

Digestio aparatua, medikuntza-intentsiboa, traumatologia eta urologia kategorietan espedientea irekiko da datozen egunetan, Jon Darpon Eusko Jaurlaritzako Osasun sailburuak jakitera eman duenez.


2018-07-19 | Nahia Ibarzabal
Traumatologian ere aurrez "asmatu" zituzten zeinentzako izango diren lanpostuak

Elkarrekin-Podemosek notarioaren aurrean aurkeztutako aktak erakusten duenez, azterketa egin orduko erabakita zegoen notarik altuenak nortzuk aterako zituzten eta ospitalean plaza lortu.


2018-07-18
Osakidetzak ez dio kasurik egin ikerketa independenteari errepikatu behar diren azterketetan

Oviedoko Unibertsitateak egindako ikerketan, irregulartasunak detektatu dira espezialitate batzuetan, baina Osasun Sailak beste azterketa batzuk errepikatuko ditu.


Kiropraktika
Garunaren eta gorputzaren arteko komunikazio bidea

Bizkarrezurra da nerbio sistema babesten duena, garunaren eta gorputzaren arteko komunikazio bidea. Jakitun ez garen arren, edozein osasun arazoren iturburua izan daiteke. Hala kontatu digu Xabier Mendiaraz kiropraktikoak.


2018-07-13 | Nahia Ibarzabal
Sindikatuek "iruzurtzat" jo dute Osakidetzak hautaproben inguruan hartutako erabakia

ESK, ELA, LAB eta UGT sindikatuen ustez, hiru espezialitatetan baino gehiagotan egin behar da berriro hautaproba.


2018-07-12 | Nahia Ibarzabal
Osakidetzak hainbat proba errepikatuko ditu "akatsak" onartu ondoren

Kardiologian, anestesian eta angiologian egingo da berriro azterketa, ez ordea, kirurgia plastikoa eta konpontzaile espezialitatean.


2018-07-11 | ARGIA
"Osakidetzan lan egiten duzunean, zaila da ez jakitea EPEak erabateko iruzurra direla"

Osakidetzako oposizioetan iruzurra egiten dela hain gauza jakina bazen, zergatik ez du orain arte inork salatu? “Beldurragatik, eta jendeak gaur egun moral bikoitza duelako”. Hala erantzun dio galderari Manoel Martinez anestesistak, irregulartasunak salatu dituenetako batek, Hala Bedin egin dioten elkarrizketan.


2018-07-04
Osakidetzak erakusketa bat zentsuratu duela salatu du LABek

Donostiako ospitaleko sarrera nagusian programatuta zegoen erakusketa ospitaleko zuzendaritzak debekatu duela salatu du LAB sindikatuak. Zigor Merodio presoaren Zorroztarria eskultura-lanari buruzko argazki-erakusketa da zentsuratutakoa.


Eguneraketa berriak daude