Oiolako urtegiaren auzia Bruselara eraman dute hirugarren aldiz

  • 20 pertsona inguru joan dira Bruselara Oiolako urtegiaren egoera aztertu eta neurriak hartu daitezen eskatzera.


2014ko urriaren 16an - 00:00
Azken eguneraketa: 2015-02-26 13:37:33
Bruselan egindako protesta. (Arg: Teresa Rodriguez)

Uraren Euskal Agentziak ekainean egindako analisiak litroko 39,40 nanogramo lindano neurtu zituen Oiolako uretan. Zenbaketaren “larritasunaz” ohartuta hirugarrengoz Bruselara jotzea erabaki dutela esan du Javier Vazquez, Oiolako Urtegia Deskonektatzearen Aldeko Plataformako bozeramaileak Info7 irratian egindako elkarrizketan.

Salatu duenez, ez da Oiolako Urtegiak Europar Batasunak ezarritako mugak gainditzen dituen lehen aldia.

Vazquezek esan du, Bruselara jotzen duten hirugarren aldia dela baina ez dutela “beste aukerarik” ikusten: “Hirugarrengoz etorri gara, lehengo egoera berean gaudelako”.

Bidaiaren helburuak, ikerketa batzordea irekitzea eta legebiltzarkideekin batu eta arazoaren aurrean neurriak hartzera “behartzea” direla zehaztu du Vazquezek.

Barakaldoko Udalaren jarrera ere salatu du, Urtegia Deskonektatzearen Aldeko Plataformako bozeramaileak: “Esaten digute denetan urtegirik kontrolatuena dela, baina gero uraren maila jaitsi eta ohartu ere ez dira egiten”.

Urtegia deskonektatuta

Udalak bost aldiz deskonektatu du urtegia Barakaldoko ur-hornikuntzatik. Azkeneko aldiz urriaren 3an. Hala ere, Udalak lidano kutsadura ukatu du. Arrazoia, urtegiko ur-maila baxua dela dio, baina kutsadurarekin zer ikusirik ez duelakoan dago. Vazquezek uste du “zenbat eta ur gutxiago, kutsadura kontzentratuago dagoela, eta beraz, arriskutsuagoa dela”.

Plataformako bozeramaileak gogoratu du, Oiolako urtegiko ura Barakaldoko, Sestaoko eta Alonsotegiko 100.000 pertsonaren etxeetara iristen dela eta dei egin die bertoko zein kanpoko agintariei arazoa konpontzeko.

Gaineratu du, Urtegia Deskonektatzearen Aldeko Plataformaren helburu bakarra, “agintariek okertzen dutena zuzentzea dela”.


Kanal honetatik interesatuko zaizu: Oiolako urtegia
2017-09-27 | Unai Brea
Lindanoz kutsatutako guneen garbiketa ziurtatu dadila eskatu dute ekologistek Eusko Legebiltzarrean

Ekologistak Martxan taldeko ordezkariak Eusko Legebiltzarreko Ingurumen Batzordean izan dira, EH Bilduen eskariz, Espainiako Estatuan lindanoak eragindako kalteei buruzko txostena aurkezten. Europako Legebiltzarrean egindako azken bisitan talde politiko guztiek arazoari... [+]


2017-06-07 | Xalba Ramirez
Lindanoa, osasunerako eta ingurumenerako mehatxua hamarkadak igaro ostean ere

Lindanoak Espainiako Estatuan eragindako kutsadurari buruzko txostena argitaratu du Ekologistak Martxanek, Pozoitze iraunkor eta isil baten kronika izenburupean. Taldeko bozeramaile Javier Vázquez Velascok Barakaldon aurkeztu duen txostenean azken mendean fabrikatutako... [+]


2016-03-15 | Unai Brea
Europak Oiolako urtegiaren garbiketa finantzatuko luke, bertoko erakundeek proiektu bat aurkeztuz gero

Europako Batzordeak finantzaketa lortuko luke Trapagareneko Oiolako urtegiaren arazoa konpontzeko, eskumena daukaten erakundeek behar bezalako proiektua aurkeztuz gero. Hala jakinarazi die Daniel Calleja Batzordeko Ingurumen zuzendariak Oiolako Urtegiaren Deskonexioaren... [+]


2016-03-14 | ARGIA
10. Ekozinemaldia dator, energi trantsizioa ardatz

Ekozinemaldiak hamargarren edizioa du 2016an. Ekologia sozialari buruzko dokumentalak eta film luze eta laburrak eskaintzen ditu Ekologistak Martxanek antolatutako ekimenak; aurten energi eredua, klima aldaketa eta energi trantsizioa izango ditu ardatz nagusi.


2016-03-14 | Unai Brea
Oiolako urtegiaren arazoa konpontzeko eskatuko dute Europako Legebiltzarrean

Joan den azaroan Marina Albiol (Izquierda Unida) eta Josu Juaristi (EH Bildu) europarlamentarioen bisita jaso eta gero, Oiolako Urtegiaren Deskonexioaren Aldeko Plataformako zenbait kide Europako Parlamentuan izango dira martxoaren 14 eta 15ean, bertako Eskaera Batzordean... [+]


Eguneraketa berriak daude