Ogasun propioa sortzeko lehen pausoak Katalunian
Kataluniako Generalitateak dekretua onartu zuen atzo Ekonomia saila birmoldatzeko. Sailaren barruan Ogasun Idazkaritza sortu du, Kataluniako Zerga Agentzia garatzeko helburuz. Francesc Homs sailburuaren esanetan, lanean ari dira 2014 urterako “dena prest” izateko.
Kataluniako Zerga Agentzia, zergen kudeaketa, likidazioa, inspekzioa eta bilketa egingo lukeen organo gisa hartu du Generalitateak, eta urrats bat litzateke Kataluniak bere Ogasuna izateko. Dena den, Homsek azaldu du oraingoz ez direla tresna berriak sortu, “orain arte zeudenak birbideratu baizik”.
Homs zuhur azaldu da Ogasun propioa izateko data ipintzeko orduan. “Gisa honetako operazioak malgutasunez hartu behar dira egutegian”, esan du sailburuak, eta gaineratu du Kataluniako zergen kontrol osoa ahalbidetuko lukeen lege esparruaz lagunduta jarri beharko litzatekeela martxan egitura osoa.
Ez dute nahi zergadunak zalantzak izaterik, Estatuari edo Generaliteatari ordaindu behar ote dion: “Herritarrek, legeak esaten dituen zergak ordaindu behar dituzte, eta gauzak bideratu behar ditugu Generalitatari ordaindu diezaioten”.
Valentziako Hezkuntza Kontseilaritzak 16 hizkuntzetatik bederatzitan murrizketak jakinarazi dizkie Hizkuntza Eskola Ofizialei, eta euskal hizkuntza da okerren geratu dena.
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Sindikatuek eta hizkuntzaren aldeko erakundeek "atzerakoia eta diskriminatzailea" dela esan dute eta mobilizazioak iragarri dituzte. Sakon landu dute gaia La Directan.
Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".