Obrint Pasen Euskal Herriko azken kontzertua Hatortxurock jaialdian

  • Egitarau oparoa aurkeztu dute Hatortxurock jaialdiaren 16.ediziorako. 12 musika talde igoko dira oholtzara abenduaren 28an Atarrabian ospatuko den ekimenean. Antolatzaileek sarreren prezioa jaitsi izana azpimarratu dute, aurrez 15 euroan eta bertan 18an egongo baitira eskuragarri.


2013ko urriaren 23an - 00:00
Azken eguneraketa: 2015-02-26 13:37:33
Hatortxurock jaialdiaren 16.edizioko afixa

Edizio honetan 12 taldek joko dutela kontuan hartuta, arratsaldeko 16:00etan irekiko dira ateak; eta 16:30etan hasiko da lehen kontzertua. Willis Drummond, Soziedad Alkoholika, Kaotiko, Governors, Ze Esatek, Flitter, Obrint Pas, El Trono de Judas, Glaukoma, Non Servium, Skakeitan eta La Raiz  taldeek osatzen dute kartela.

Hatortxurocken oharrean El Trono de Judas talde iruñearra ikusteko azken aukera izanen dela ohartarazten da, 17 urteren ostean agur esatea erabaki baitute. Horrez gain, Obrint Pas talde valentziarrak Euskal Herrian eskainiko duen azken kontzertua izanen da epe zehaztugabean taldea desegingo dela iragarri baitute. Bestalde, azpimarratzekoa da, 2006tik jo gabe zegoen Flitter taldearen itzulera.

Urtero legez, euskal presoei elkartasuna adierazteko asmoz prestatu dute jaialdia Iruñerrian. Antolatzaileen hitzetan jaialdiaren helburua euskal presoei "modu ankerrean aplikatzen zaien sakabanaketa politika behin betiko" amaitzea da. Bide batez, sakabanaketak presoen senide eta lagunei eragiten dien sufrimendua salatu nahi dute.

Egun bakarrean egingo da 16. edizioa eta azken urteetan bezala, Atarrabia eta Burlata arteko Entrecementerios deritzon eremuan kokatuko da karpa erraldoia. Taldeek txandaka joko dute karpako bi muturretan egonen diren bi eszenatokitan.

Laster iragarriko da noiz ipiniko diren sarrerak eskuragarri eta salmenta puntuen berri emanen da.

 


Kanal honetatik interesatuko zaizu: Hatortxu Rock
2023-12-18 | Ahotsa.info
Hatortxurock 28, amaiera berri bat

 Hatortxurock elkartasun jaialdiaren 28. edizioa ospatu da gaur Atarrabian. Euskal errepresaliatu guztiak etxeratzeko helburua duen musika festibalak milaka lagun bildu ditu berriz ere. Jaialdia aurrera eramateko, boluntarioen lana ezinbestekoa izan da. Sarrera guztiak... [+]


Hatortxu Rock 28: amaiera berri bat

17 talde bilduko dira aurten Hatortxu Rocken 28. edizioan. Abenduaren 16an egingo dute Atarrabian euskal preso politiko eta hauen senideekiko elkartasun festibala.

 


2021-10-27 | ARGIA
17 musika talde igoko dira Hatortxu Rocken oholtzara

25. Hatortxu Rock jaialdian joko duten musika taldeak iragarri dituzte. Estilo eta jatorri ugariko 17 taldek parte hartuko dute elkartasun jaialdian, horien artean Segismundo Toxicómano, Afu, Soziedad Alkoholika, Nøgen, Skakeitan, Rodeo eta Ibil bedi. Jaialdirako... [+]


2021-10-14 | Leire Artola Arin
Hatortxu Rock jaialdia abenduaren 18an ospatuko da

Antolatzaileek azpimarratu dute nahiz eta euskal preso politikoen dispertsioaren mapa txikitu den, oraindik ere beharrezkoa dela elkartasun jaialdia, “helburua guztiz bete arte”. Gainera, beste jaialdi bat antolatzen ari dira uztailaren 29 eta 30erako. Atarrabian... [+]


Eguneraketa berriak daude