ZAD

Notre-Dame-des-Landesen gertatzen dena filmatzeko deia egin dute zenbait zinegilek

  • Adele Haenel, Philippe Garrel, Victor Erice eta Aki Kaurismaki dira Notre-Dame-Des-Landesko ZADean gertatzen denaren irudiak filmatu, landu eta zabaltzea eskatu duten zinegileetako batzuk, “imaginario berriak eraikitzeko borrokatzen den leku erreal bat delako”.


2018ko maiatzaren 22an - 12:04
Asteartean, maiatzak 22, berriro sartu dira zientoka jendarme ZADetik kanporatzera asteburuan etxeak berreraiki eta soroak lantzera itzuli direnak. (Argazkia: @ymonteil)

Zine munduan ezagunak diren hainbat zuzendari, ekoizle, kritiko eta beste profesionalek Le Monde egunkarian plazaratu dute agiri bat Notre-Dame-Des-Landesko ZADean gertatzen denari ezikusia egiteari uko egin eta konprometitzea aldarrikatuz. Berrikitan ZADetik bidali zieten beste Vent d’Ouest (Mendebaleko haizea) filma, gezurrarekin jolas eginez Jean-Luc Godard famatuarena zela esanez, eta hura ikusita zer pentsatua eman diela aitortzen dute: “Oroimenera ekarri digu 1970an Jean-Luc Godardek zabaldu zuen “Que faire?” (Zer egin?) manifestazioa, zeinetan aipatzen baitzen: ‘1. Film politikoak egin behar dira. 2. Filmak politikoki egin behar dira”.

Godardek 1968 garaiko testuinguruan egin zuen bere aldarrikapena. “2018ko maiatzean gaude –diote orain sinatzaileek- eta berrogeita hamar urte beranduago 68ko maiatza ospatzen da. Eta ospakizuna hemendik eta ospakizuna handik, ekintza paralizatzen da museogintza egitearen poderioz. Ezikusia egiten zaie errefuxiatuei, trenbideetako langileei, ikasleei, postariei, osasun zerbitzuetako langileei eta auzuneetako eguneroko errepresioari”.

Zinegileok diote ulertu dutela ZADtarren mezua: “Egia zera da, Notre-Dame-Des-Landestik jendea kanporatzen dutela eta borrokan ari diren pertsonei etxeak suntsituko dizkietela. Urte luzez espekulatzaileen kontra, aireportuaren eta bere munduaren kontra, borrokatu eta irabazi egin duten pertsonei egingo diete hori. Egia zera da, Estatua tematuta dagoela suntsitzen esperientzia komunak, eten gabe armatzen diren antolakuntza saioak, naturaren defendatzaileak eta hartan bizi diren bizimodu anitzak. Horren aurrean, zinegile garen neurrian gure hautua egin dugu”.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
#5
Azoka
Kanal honetatik interesatuko zaizu: ZAD
Etxebizitza Ipar Euskal Herrian: egitateak eta aukerak

Angeluko amodioaren ganbaratik hurbil, Robert Alday etxegileak eraiki luxuzko erresidentzien aitzinean zazpi egunez eta sei gauez antolatu dugun okupazioak egoera bitxi zein adierazleak ekarri ditu. Baita perspektibak ere.


2020-03-31 | ARGIA
Zad-eko ebakuazioa zuzendu zuen militarra, Frantziako Estatuko koronabirusaren krisia zuzentzen

Richard Lizurey, 2018an Notre-dame-des-Landeseko Zad-aren ebakuazioko buru izan zen militarra izendatu du Edouard Philippe lehen ministroak koronabirusaren kudeaketaren ikuskatzaile Frantziako Estatuan. “Oso ona da krisien kudeaketan”, dio lehen ministrotik hurbil... [+]


2019-08-06 | ARGIA
Topaketa Intergalaktikoa egingo da Hendaian, G7aren aurka

Aurreko bi edizioetan nazioarteko topaketak Notre-Dame-des-Landeseko ZADen egin dira. Hendaian antolatu dira aurten, abuztuaren 21etik 23ra, G7aren aurkako ekimenekin bat eginez.


2019-04-04 | Camille Laforet
G7 gailurra: borroken eta alternatiben bateratzearen alde

2018ko urtarrilaren 17an, frantses gobernuak Notre-Dame-des-Landesko aireportu proiektuaren bertan behera uztea iragarri zuen. Hamarkadetan burutu erresistentziari esker lortu garaipena izan zen hura.


2019-03-31 | Mikel Asurmendi
Iñaki Etxeleku
"Lanaren balioaren ideia oso presente daukate ZAD-en, egiten dutena zentzuz beteta dago"

Donazaharre, 1977. Berria-ko kazetaria da. ZAD bizi dutenen ahotik (Gatuzain / Txalaparta) liburuaren egilea:  “ZAD ezagutu nuen EHZ-k antolatutako brigada batekin joan nintzelako. Garatzen ari ziren proiektuen baliabideek jakinmina sortu zidaten”.


Eguneraketa berriak daude