Nortzuk osatzen dute munduko arma esportatzaileen rankinga?
Amnistia Internazionalak 2010etik 2014era munduan egondako armen inportazioen eta esportazioen gaineko datuak argitaratu ditu. Espainiako eta Frantziako Estatuak esportatzaileen lehen hamar postuetan daude.
AEBak (%31) eta Errusia (%27) dira nagusi arma esportazioetan, eta gainerako herrialdeekin alde handia mantentzen dute. Bi potentziei jarraitzen diete Txinak, Alemaniak, Frantziak (hiruek %5), Erresuma Batuak (%4), Espainiak, Italiak, Ukrainak (hiruek %3) eta Israelek (%2).
Inportatzaileen artean India da nabarmen arma gehien jasotzen duena: %15. Saudi Arabiak, Txinak, Arabiar Emirerri Batuak, Pakistanek, Australiak, Turkiak, AEBek, Hego Koreak eta Singapurrek jarraitzen diote.
Armak, munduko diru mugimenduetan nagusi
Munduko diru transferentzien kantitate oso handiak hartzen ditu armen trafikoak. Zehazki kalkulatzea oso zaila izan arren, 2010ean 72.000 milioi dolar inguru izan zirela adierazten dute hainbat estatistikek.
Geroztik, urtero 100.000 milioi dolar baino gehiago armen trafikoari lotutakoak direla estimatzen da, Amnistia Internazionalak ateratako datuen arabera. Munduko gastu militarrak %50 egin du gora 2001etik 2014era: 1.14 bilioi dolarretik 1.71 bilioi dolarretara pasa da denbora horretan.
Datuok zabaltzearekin batera, Amnistia Internazionalak ohartarazi du heriotza kantitate oso handien atzean dagoela armen erabilpena: biolentzia armatuak urtean 508.000 pertsona baino gehiago hiltzen ditu munduan.
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]
Ezohiko irudia ikusi zen Madrileko Moncloako jauregian martxoaren 18an: estatuko industria militarraren buru nagusiak Pedro Sánchez presidentearekin eta Margarita Robles Defentsa ministroarekin bilduta. Bertan ziren ere Hego Euskal Herriko enpresa militarretako buru... [+]
Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".