Nortasun agirian genero neutroa ezartzeko aukera aztertzen ari da Kanadako Gobernua
Justin Trudeau Kanadako lehen ministroak adierazi du genero neutroa nortasun agiriko beste aukera bat izan dadin lanean ari dela Gobernua. Gay harrotasunaren eguneko desfilean izandako lehen Kanadako gobernuburua da.
Lehendabizikoz gay harrotasunaren egunez desfilean izan den Kanadako gobernuburua da Trudeau. (Argazkia: @JustinTrudeau)
Trudeauk ez du azalpen gehiago eman. Gobernua genero neutroa nortasun agirian izateko “modurik egokiena” aztertzen ari dela esan du soilik.
Kanadako Ontario probintziak jada adierazi du gida baimenetan X generoa ezartzeko lanetan dabilela. Ohikoa da AEBetan X generoaren erabilera nortasun agirian, baita Australian, Zeelanda Berrian eta Nepalen ere.