Lau hilabete daramatzagu greba mugagabean, hitzarmen propio baten eta lan-baldintza duinen alde. Lau hilabeteko greba honetan, udaltzainek piketeetan bortizkeriaz zapaldu gaituzte, hirian jarraitzen gaituzten eta mobilizazio bakoitzean zelatatzen gaituzten polizia “sekretek” jazartzen gaituzte, enpresak eskaintza barregarriak eta miserableak egiten dizkigu, 11 lankideren kontrako salaketa penalak abiatu ditu, eta Espazio Publiko eta Auzoetako Saileko (sail honi dagokio guk ematen dugun zerbitzuaren kudeaketa) zinegotzi den Beatriz Artolazabalek ere salaketa penala jarri du gure aurka San Joan suetan egindako parodia batengatik.
Eusko Jaurlaritzak, udalak eta enpresak hala eskatuta, neurriz kanpoko gutxieneko zerbitzuak ezarri dizkigu, enpresaren irizpidea jarraitzen dutenak. Gainera, enpresak uko egiten dio bajak jasotzeari eta ordaintzeari, eta hori langile gisa ditugun oinarrizko eskubideen urraketa da.
Denbora honetan guztian, Maider Etxebarria andrea, Gasteizko alkatea, lan-gatazkatik kanpo mantendu da, desagertua, egoera konpondu nahi duenaren seinalerik eman gabe, ez baitio bilera bakar bat ere eskaini greba-batzordeari.
Berari buruzko albiste bakarra joan den astean izan dugu, komunikabideen bidez. Bertan, gatazka bat konpondu nahi duen norbaitengan ezohikoa den harropuzkeriaz eta prepotentziaz, zera leporatzen digu: "Justifikaziorik gabeko greba ari garela egiten, arrazoi politikoengatik direla gureak lan arazoa baino gehiago eta konponbide bideragarri bat eskuan izatea".
Lehenik eta behin, Etxebarria andreari esan behar diogu guztia dela politikoa, eta hortik abiatuta, argi eta garbi, greba politikoa dela; baina ez bideratu nahi duzun eran; izan ere, adierazpen horiekin saiatzen ari zara lan-gatazkaren presioa gainetik kentzen.
Gure erabaki guztiak batzarrean hartzen dituzte Enviserreko langile guztiek. Batzarra langileak ahalduntzeko tresna bat da, eztabaidarako gune ireki bat, eta bertan erabaki dugu enpresak planteatu digun eskaintza barregarria ez onartzea eta berdin Eusko Jaurlaritzaren eskaintzarekin, enpresaren berdina denez. Eztabaida horietan ere hasierako plataforma aldatzea erabaki dugu, eta bi proposamen egin ditugu. BOTERE GUZTIA BATZARRERA, zure alderdiak martxoaren 3an paripea egingo ez balu, agian gogoratuko luke lelo hori.
Greba politikoa da, egoera honetan gaudelako oraingo gobernu taldeak eta aurrekoek hartutako erabaki politikoengatik, non lehentasuna ematen baitzaio multinazional handien mozkinari, udaleko azpikontratetako langileen prekarizazioaren kontura. Zaborren bilketaren kontratuaren lizitazioa ikustea besterik ez dago; hura hutsik geratu zelarik, multinazionalen presioaren aurrean, udalak ez zuen zalantzarik izan kontratu horren aurrekontu-partida handitzeko; aldiz, azpikontratetako langileak garenean hitzarmen propioa eta lan-baldintza duinak eskatzen ditugunak, erabaki politikoen bidez ukatzen zaizkigu.
Ez eskatu barkamenik herritarrei, eta hasi lanean gatazka honi irtenbide bat emateko. Izan ere, orain arte desagertuta egon zara, Gasteizko alkate zaren aldetik dituzun betebeharra bete gabe. Eseri gurekin eta gure prekarietate-egoera ulertzearen alde egin ezazu, zure egoa eta nagusikeria alde batera utzita, guztion artean alde guztientzat konponbide bideragarri bat lor dezagun. Egoera hau ez da atsegina inorentzat, batez ere greban lau hilabete daramatzagun langileontzat. Etxebarria andrea, gatazka hau borondate politikoarekin konpontzen da.
Hainbat sinatzaile:
Aitziber Gutiérrez
Gorka Pérez de Mendiola Delgado
JOSE ANTONIO RUIZ DE AZUA DE PAZ
Iván Puertas Velado
Leire Urquijo
Íñigo López de Arroiabe
Julio Montoya
Endika Ruiz de Loizaga Fernández
Schwa Aaron García bercedo
Daniel Ruiz de Mendoza Ainaga
Íñigo Hamid Pulgar
Mouhcine Boujida Boujida
David García Ortiz de Guzman
Iker Basaras Elguezabal
Laura Pulido Avalos
Mikel Sanz Pérez
Mikel Romero Lafuente
ASIER OCHARAN GOMEZ