Korsikako Biltzarreko gehiengoak korsikeraren koofizialtasunaren alde bozkatu du historian lehen aldiz. Bozka horren harira, Berria egunkariak elkarrizketa egin dio Veronique Sciaretti biltzarkide abertzaleari. Guk pasarte batzuk ekarri ditugu hona:
"Aspaldian aldarrikatzen genuen hizkuntzaren ofizialtasuna, eta hori eskatzen zuen mozioa aurkeztu genuen. Komunistek mozioari aldaketa aurkeztu zioten, ofizialtasunaren ordez koofizialtasuna eskatuz. Gure iduriko, gauza bera da; semantika kontu bat besterik ez da. Bozka erabat historikoa da."
"Orain pilota Frantziako Estatuaren eskuetan dela erran nezake. [...] estatuak ditu koofizialtasuna ahalbidetzeko neurriak hartu beharko. Horrek erran nahi du beharbada Konstituzioa moldatu beharko duela."
"Zifrarik ez dut [korsikeraren egoera azaltzeko], baina adibide adierazgarri bat badut. Bost urteko seme bat badut, korsikeraz hitz egin diot sortu denez geroz eta beti korsikeraz ari zen. Eskolara joan eta aste batez korsikeraz hitz egiteari utzi zion. Korsikeraz hitz egiten diot, eta frantsesez erantzuten dit."
Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".
Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.
Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.
Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha... [+]
Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.