UKIPeko Nigel Faragek ere dimititu du Brexit ondorengo histeriaren erdian

  • Badirudi Britainia Handiko establishment politiko osoa lehertu behar duela Brexitak, Remain [gelditu] nahi zuten liderrak bezala Leave [alde egin] sustatu zutenak. Azkena, Nigel Farage, ezin jakin arrakastaren biktima erori den ala lehertu den ekaitzaren ihesi doan. Erreferenduma egin eta astebetera, britainiarrak Europatik aldentzeko operazioa sutu zuen UKIP alderdi eskuindarreko buru karismatikoak eman du dimisioa.


2016ko uztailaren 04an - 11:35
Nigel Farage, UKIPeko buruzagia eta Brexitaren sustatzaile nagusietakoa. (Argazkia: Dinendra Haria)

Prentsari zabaldu dion agirian esan du Faragek: "UKIPeko lidergoari uko egitea erabaki du. Leave [alde egin] aukera erreferendumean irabazle geratzeak esan nahi du nire anbizio politikoa lortuta dagoela. Borroka honetan sartu nintzen negozioak utzirik, ez karrerako politikari bilakatu nahi nuelako baizik eta gurea bere buruaren jabe den nazio bat izatea nahi nuelako. UKIP posizio onean uzten dut eta hala jarraituko du, nire babes osoa izango du boto emaileak erakartzeko. Europar Batasunetik irtetera goazen arren, ez dago argi zein baldintzatan joango garen. Gobernuak gehiegi egiten badu atzera eta Alderdi Laboristak bere boto emaile askogandik urrun segitzen, orduan UKIPen garairik onenak iristeko daude".

UKIP alderdi ultraeskuindarrak udazkeneko biltzarrean hautatu beharko du lider berria. Bitartean, Faragek parlamentari lanetan segituko du eta kazetariek galdekaturik, ez du baztertu Britainia Handia Europar Batasunetik irteteko negoziaketa mahaian egotea. Dimititzeko erabakiaren funtsa erabat pertsonala dela berretsi die: "Britainiarrok gure herrialdea berreskuratzea nahi nuen eta lortu dugu. Orain nire bizitza berreskuratu nahi dut".

Brexitak hankaz gora jarri ditu establishment britainiarreko indar politiko nagusi guztiak. Toryen artean, David Cameronek dimititurik, Brexitaren aldeko kanpainan erabakiorra izan zen Boris Johnsonek ere kargua utzi zuen, justu itxuraz bera izan zitekeenean egoera politiko berriko izarra. Orain arrakastak UKIP bera utzi du bururik gabe. Paradoxikoki, Alderdi Laboristan nagusi segitzen du Jeremy Corbyn ezkertiarrak, alderdiko eskuineko hautetsien gehiengoak erreferendumaren biharamunean bertan antolatu zion estatu kolpeari aurre eginez... oraingoz. 


Kanal honetatik interesatuko zaizu: Brexit
2023-03-01 | Leire Artola Arin
Londres eta Bruselaren arteko akordioa
Ipar Irlandako Parlamentua desblokeatuko al dute unionistek ia urtebeteren ondoren?

Ipar Irlandako Parlamentua blokeatuta dago maiatzetik, DUP unionisten alderdiaren protestagatik, ez baitago ados Brexitaren ostean Ipar Irlandan Europako Batasunak jarri dituen merkataritza kontrolekin, besteak beste. Erresuma Batuaren eta Europako Batasunaren hitzarmen berriak... [+]


2020-12-24 | ARGIA
Brexit-ari buruz akordioa sinatu dute Erresuma Batuak eta Europar Batasunak

Negoziaketa prozesu luzearen ondotik, Erresuma Batuak eta Europako Batasunak Brexit-aren gaineko akordioa lortu dute azken minutuan.


Brexita eta ardatz anglosaxoia

Europako Batasuna 1993an sortu zenetik kide berriak gehitu dira bata bestearen atzetik. Joan den ostiralera arte 28 estatuk osatu dute makro-egitura politiko eta ekonomiko hori. Izan ere, urtarrilaren 31 historiara pasako da, EBk izan duen lehen zatiketaren eguna izan delako... [+]


2020-02-04 | Euskal Irratiak
Brexita Ipar Irlandan

Otsailaren lehenean bereizi dira Erresuma Batua eta Europar Batasuna.


Erresuma Batuko hauteskundeak 2019
"Brexit" zaleak eta Eskoziako independentistak garaile Erresuma Batuko hauteskundeetan

Brexita gauzatzeko aukera eskura du Lehen Ministro eskuindar Boris Johnsonek, Alderdi Kontserbadoreak gehiengo absolutua lortu ostean. Alderdi Laboristak 85 urtean izan duen emaitzarik eskasena eskuratu du. Eskoziako Alderdi Nazionala da hirugarren indarra Erresuma Batuko... [+]


Eguneraketa berriak daude