Frantziako presidentzialak

Nicolas Sarkozy presidente ohiaren itzulera burrunbatsua

  • Abuztuaren 22an berretsi du Frantziako presidente izateko bere asmoa. Nicolas Sarkozyk Frantziako egunkari gehienen azalak hartu zituen atzo. Udazken beroa igurikatzen da Hexagonoko mintzaleku politikoetan.

Mikel Asurmendi @masurmendi
2016ko abuztuaren 24a
udazkenean Les RÚpublicains (LR) alderdiaren primariak izanen dira jokoan.

Nicolas Sarkozyren Tout pour la France liburua salgai dago gaurdanik. Liburua, bere hitzetan, berriz ere Frantziako presidente izateko abiaburua da. 2017ko Frantziako boz presidentzialetarako lasterketa hasi da.

Alabaina, lehenbizi, udazkenean Les Républicains (LR) alderdiaren primariak izanen dira jokoan. Sarkozy izan da alderdiaren presidentea atzo arte, hautagai izateko, ordea, kargua utzi behar izan du. Laurent Wauquiez presidente-ordeak hartu du bere tokia.

Sarkozyren itzulera ezagutu arte, Bordeleko auzapez Alain Juppé izan da LR alderdiko hautagaien artean hobekien paratuta zegoena. Iragan maiatzean –inkesten arabera betiere– alderdikideen bozen ehuneko 43 beretzat ziren. Uneon, ehuneko 38 dira. Bozen joerak behera egin du sei puntutan. Inkesten emaitzak datu interesatuak eta kontrajarriak izaten dira, hala ere, edota halakotzat jo daitezke.

Alain Juppé ez da Nicolas Sarkozyren arerio bakarra, baina beste hautagaiak –Bruno Le Maire, bozen %13rekin eta François Fillon, bozen %10ekin, urrun daude hautagai nagusi biengandik. Ez dira hautagai bakarrak, baina Alain Juppé buruan buru ageri da nabarmen. Sarkozyren aldeko boz kopurua ehuneko 20-25en artean bide dago.

Frantziako presidentziarako aurreneko lasterketa baino ez da hasi. Ondoko lasterbidean PSko hautagaiak beren motorrak prestatzen hasiak dira: François Hollande egungo presidentea, Manuel Vals lehen ministroa, Emmanuel Macron ekonomia ministroa. Zentro eta ezker aldeko gainerako hautagaiak bestalde.

Edonola ere, eskuin muturreko Marine Le Pen hautagaiaren burrunba ozena entzuten da estatu osoan. Le Pen LRko alderdiaren etsai handiena izan daiteke, alta bada, Nicolas Sarkozyren etsaia izan ordez, “arerio edo aliatu egokiena” bihur liteke.  

Kanal honetan artxibatua: Politika

Politika kanaletik interesatuko zaizu...
Senide eta lagunak ere, preso

Arabako presoek bizi dituzten salbuespen-egoerak eta eskubide urraketak mahai gainean jarriko ditu Askerock jaialdiak; Willis Drummond, Esne Beltza edota Riot Propaganda izango dira urriaren 21ean Gasteizko Mendizabalan. 


'Patria' operazioa: erregimenak euskal gatazka behar du legitimatua sentitzeko

Fernando Arambururen Patria nobelak irabazi du, aurreikuspen guztiak betez, Espainiako Narratiba Saria. Euskal gatazkari buruzko “behin betiko nobela” izateko bokazioz sortutako produktu literarioak badu, honenbestez, aitortza definitiboa eta badirudi beste puska batean liburu-dendetako lehen lerroan izango dugula.


2017-10-17 | Aiaraldea.eus
Alfredo Remirezi elkartasuna adierazi diote hainbat artistak

Alfredo Remirez amurrioarraren omenezko speak corner ekitaldia antolatu zuten Bilboko Bilbo Zahar auzoan urriaren 14an. Hainbat artista igo zen oholtzara: Kokein taldea, Lutxo Egia idazlea, Oihana Bartra bertsolaria... Beste batzuek bideoa bidali zuten: Los Chikos del Maizeko Negak, Estricalla eta Kop taldeek, besteak beste.


2017-10-17 | ARGIA
Sanchez (ANC) eta Cuixart (Omnium) espetxeratu dituzte Lamela epailearen aginduz

Kataluniako bi milioi herritar baino gehiagok autodeterminazio erreferendumean bozkatu zuten urriaren 1ean, Espainiako Estatuko poliziaren eraso larriei aurre eginez. %90 inguruk baiezkoaren alde bozkatu zuen. Geroztik, mahai gainean da Katalunia estatu independente izateko aukera. Unean uneko gertakariak jarraitzen ari gara.


Alde Zaharreko gaztetxearen okupazioa arbuiatu du Iru˝eko Udalak

UPNk aurkeztu du Rozalejoko jauregiaren okupazioaren kontrako adierazpena, Herritarren Gaietarako Batzordean. Geroa Bairen babesa jaso du.


Damua dela eta ez dela

Historikoki euskal preso politikoaren figura galtzeko jokabideen aipamena egiten genuen. Genioen, era berean, damutuaren figura edo damuaren prozesua zekarrela berekin ia-ia modu atzeraezinean.


2017-10-17 | Miren Osa Galdona
Pintaketa faxistak egin dituzte Gasteizko Alde Zaharrean

Sinbologia naziko ikurrak, agertu dira astelehen goizaldean, urriak 16, Gasteizko kaleetan. Pintaketa gehienak esbastikak izan dira. Hala Bedi Irratiko tabernari ere eraso egin diote.


2017-10-16 | Hala Bedi
"Kataluniakoa da 78ko erregimenak izan duen krisirik sakonena, eta indar hori ekarri nahi dugu"

Urriaren 12an aurkeztu zen #Agur78 ekimena, 1978an Espainian ezarritako eredu politikoarekiko haustura aldarrikatzeko. Katalunian ikus daiteke, egun, erregimen zahar horren arrakalarik handiena, eta Euskal Herrian ere horren antzeko mugimendua sortzea dute helburutzat ekimeneko kideek.


"A por ellos"

Gasteizen, erregimenarentzat arriskutsua zen mugimendu asanbleario bat zapaldu nahi izan zen eta herri osoa atera zen kalera 1976an.  Katalunian ere egungo erregimena kinkan jarri du prozesu independentista transbertsal eta zabalak.


2017-10-15 | Mikel Zurbano
Alemania ere

Eredugarria omen den herrialdean eskuin muturra Bundestagen sartu da dagoeneko. Hauteskunde osteko analisi ia gehienetan Berlingo Gobernuak atzerritarrekiko izan duen politikan ipini dute arreta alderdi xenofoboaren gorakada azaltzeko. Begirada bakarreko analisia, inondik ere. Garrantzi handiko gaia izan arren, asilo politika ez baita boz erradikalaren igoera azaltzeko faktore bakarra izan. Alemania arrakastatsuan errealitate sozioekonomikoaren narriadura begi-bistakoa da.

Ezin da ukatu... [+]


Azkenak
EGILEA
Eguneraketa berriak daude