Chavezek Nicolas Maduro izendatu du bere ordezko
Hugo Chavez Venezuelako presidenteak, okerrenean jarrita, Nicolas Maduro presidenteordea izendatu du bere ordezko. Kantzerra tratatzen ari zaizkio Kuban eta, eta bien bitartean, presidente kargua beteko du Madurok.
2011ean kantzerra topatu zioten toki berean “zelula kaltegarri batzuk” atzeman dizkiote eta ahalik eta azkarren operatzera joan behar izan du Kubara. Bidaiatu aurretik Nicolas Maduro izendatu du ordezko gisa. Halaber, bere osasun egoerak txarrera egiten badu, venezuelarrei eskatu die balizko hauteskunde batzuetan boza Madurori emateko. Izan ere, Chavez urtarrilaren 10erako kargura itzultzen ez bada, Konstituzioak dio hauteskundeak egin beharko direla.
Nicolas Maduro Chavezen konfiantzazko gizona da. Zeresan handia izan du Txina, Errusia, Bielorrusia eta Iranekin aldebiko akordioak sinatzean.
Venezuelako Konstituzioa onartu zenean, biltzar konstituzionalean zegoen Maduro, eta 2000 eta 2005 bitartean diputatu izan zen. Biltzar Nazionaleko presidente izendatu zuten 2005ean. 2006an ordea, Hugo Chavezek atzerri-ministro izendatu zuen, eta joan den urriaren 7an hasitako legealdian berriz presidenteorde eta Kanpo Arazoetarako ministro izendatu zuen.
Chávez bizirik zegoenean bere figurarekiko atxikimendua sekulakoa zen herri venezuelarraren sektore oso zabal batean. Chavismo hegemonikoa zen, ikuspegi soziopolitiko batetik zein emozionaletik ere. Venezuelako sektore apalen artean, baita ekonomikoki hobeto zeuden beste... [+]
Chavismoa eta oposizioa protesta egitera irten dira Venezuelako kaleetara eta hiru hildako eta hamarnaka zauritu eta atxilotu izan dira. Oposizioak Nicolas Maduro presidenteak kargua uztea eskatu du eta Gobernuaren aldekoek, aldiz, hura defendatu eta estatu kolpe saiakera salatu... [+]
Venezuelako udal hauteskundeetan Nicolas Maduroren PSUV alderdiak jaso du boto gehien, bozken %49,2. Henrique Ceprilesen MUD koalizioa ez da urruti ibili emaitzetan 700.000 boto gutxiago (%42,7) baina Venezuelako hiri garrantzitsuenetako alkatetzak eskuratu baititu.
Nicolás Maduro atera da garaile igandean Venezuelan egindako hauteskundeetan. Oso boto gutxigatik irabazi dio Henrique Capriles oposizioko hautagaiari: %50,6ak eman dio aldeko botoa, Caprilesen %49,1aren ondoan. Caprilesek esan du emaitzak ez dituela onartuko boto... [+]