Nekazariek ere babesa erakutsi diote Durangaldeko Berton Bertokoa dinamikari

  • EHNE sindikatuak, ENEEK erakundeak eta Durangoko merkatu plazako baserritarrek atxikimendua eman diote eskola jantokietan bertako produktuak jatearen aldeko plataformari. Dinamika gero eta indar handiagoa hartzen dabil.

Anboto @anboto
2016ko maiatzaren 11
Argazkia: Anboto.

Zapatuan, Durangoko merkatu plazan talde argazkia atera zuten gurasoek, umeek, baserritarrek eta erakundeetako ordezkariek. Plataformakoek, ikasleen plateretako jakiak bertakoak, sasoikoak eta eskolako jantokian prestatutakoak izatea gura dute, eta martxoan eman zuten ekimenaren berri. Geroztik, atxikimenduak batzen dabiltza. Esaterako, Pirritx, Porrotx eta Marimotots pailazoena jaso zuten duela aste batzuk.

"Gure laguntza edukiko dute", esan du Urdaspal Alberdi baserritarrak. Bertako nekazaritzaren aldeko ekimen lez ere ikusten du, baina "gizarte osoarentzat onuragarri" izan daitekeela irizten dio. Gainera, ideia egi bihurtuko balitz, "bertako ekoizleen falta dagoela konturatuko ginateke", bere arabera (Izan ere, 2.000 ikasletik gora egoten dira egunero Durangaldeko jantokietan). Horregatik, atzetik bestelako beharrizan batzuk piztuko lituzkeelako ere, interesgarria ikusten du.

"Logikaz betetakoa"

EHNE sindikatuko Alazne Intxausperen iritziz, "oso garrantzitsua da gurasoek euren seme-alaben elikaduraz arduratzen hastea". Elikadura, hezkuntza sistemaren parte izan beharko litzatekeela dio, eta proiektu integral baten beharra dagoela; umeen heziketa edota sukaldeko langileen baldintzak ere kontuan hartu behar dira bere ustez, ez bakarrik ekologikoa jan ala ez. Guraso elkarteen erabakitzeko eskubidea defendatu du, eta eskariari erantzutea administrazioaren ardura dela nabarmendu du.

Roman Bengoa ENEEK-eko (Euskadiko Nekazaritza eta Elikadura Ekologikoaren Kontseilua) kidea da, eta gurasoen eskaera, "logikaz betetako gauza bat" dela esan du. Horregatik, aurrera eraman beharrekoa dela ikusten du. "Bertako nekazaritzak edukiko lukeen gorakada" azpimarratu du.

Albiste hau Anbotok argitaratu du eta CC-by-sa lizentziari esker ekarri dugu ARGIAra

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Elikadura kanaletik interesatuko zaizu...
Koma baten indarra

Alemania, 1870. Erich von Wolf kimikariak hosto berdeko barazkiak aztertu zituen, bakoitzak zenbat burdina zeukan ondorioztatzeko. Ikerketaren emaitzak koaderno batean idatzi zituen eta zerrenda horretan espinakak garbi nabarmendu ziren: 100 gramo espinakatan 35 miligramo burdina zeuden; burdin iturri oparotzat ditugun dilistetan, aldiz, 8 miligramo inguruan dabil. Egin kontu!


2018-07-18 | Nahia Ibarzabal
32.000 lagunek baino gehiagok janari-bankura jotzen dute Nafarroan

Datu makroekonomikoek  ekonomia hobera egiten ari dela dioten arren,  herritar askorentzat egoera bestelakoa dela dio Nafarroako elikagai bankuak.


2018-07-05 | Erran .eus
Tokiko elikadura kontseilua sortu du Baztango Udalak

Ereiaroaren 27a egindako bilkuran Baztango Udalak tokiko elikadura kontseilua osatzeko EH Bilduren proposamena aho batez onartu zuen.


Fauna publikoa
Gastroenteritisa

Pernandoren egia da: edozein gizarteren kulturaren isla izan daiteke gastronomia, baldin eta kultura zentzu Antropologikoan ulertzen badugu –jakintzak, sinesmenak, artea, morala, zuzenbidea, ohiturak… eta jaten duguna, dena da kultura–. Ez dut uste Aduriz pernandokerietan dabilenik ordea, aspalditik bere sektore ekonomikoak Euskal Herrian daukan posizio pribilegiatua hauspotzen baizik.


2018-06-24 | Garazi Zabaleta
Berpiztu Agrokultura proiektua
Permakultura baratzea Gatikan, hiriari jaten emateko

“Bilboko gaztea izanik, sumatzen nuen hiriko gizartea ez dagoela nekazaritzarekin konektatuta”. Horrela azaldu du Kepa Añibarro Zoritak nondik sortu zitzaion ingurumenarekiko eta lurrarekiko interesa. Ingurumen-kimikako eta Paisajismo eta Landa-Ingurumeneko ikasketak egin ondoren argi zuen nekazaritzarekin edo paisajismoarekin lotutako zerbaitetan egin nahi zuela lan. Non eta nola zen galdera. Iaz zalantzetatik atera eta proiektu berriari ekin zion: Berpiztu... [+]


2018-06-19 | ARGIA
Protesta Bizkaiko baserritarrek, "The World's 50 Best Restaurants" galaren aurrean

The World's 50 Best Restaurants sari-banaketa galaren ataritan, The Chef's Feast ekitaldia egin dute astelehenean Atxondon (Bizkaia). Inguruko baserritarrek hainbat pankarta jarri dituzte “Diputazioak bultzatzen duen elitearentzako gastronomia ereduaren kontra”.


Diabetesa
Intsulina, azukrea odoletik ateratzeko

Jon Cano donostiarrak diabetesa du. 12 urterekin diagnostikatu zioten eta gaur, hamar urte beranduago, hauxe da bere mezua: “Jendea asko larritzen da gaixotasunarekin, baina zaindu eta kontrolatuz gero, bizitza ez da hainbeste aldatzen. Gauza okerragoak badaude munduan”.


2018-06-13 | Uriola.eus
Munduko Arrozak ekimena egingo da Bilbon larunbatean

Bilbo Zaharra, San Frantzisko eta Zabalako taldeen koordinakundeak Munduko Arrozak ekimenaren edizio berri bat antolatu dute Bilbon larunbat honetarako. Izen ematea bukatu da, eta plaza bete-beteta egongo dela berriro azaldu dute.


Geltoki: ekonomia solidarioa, elikadura subiraua eta kultura alternatiboa sustatzeko gune

Autobusentzako gunea zen garai batean 'Geltoki' bilakatu da orain. Larunbatean zabaldu zituen ateak eta garai bateko leihatilak denda bilakatuta daude. 


Lur komunaletatik pribatuetara
Baserriaren sorrera ere, kapitalismoaren oinarri

Herri-lurren gainbehera, baserri “modernoaren” hedapenarekin batera eman zen, Aro Modernoan zehar. Mendiak etxez eta zereal-sailez bete ziren neurri berean galdu ziren jabetza kolektiboa, komunitateen erabakimena eta, neurri batean, baita ingurumenaren ustiapen jasangarriago bat ere. Jabetza-egitura gero eta polarizatuago bat agertzen joan zen, XIX. menderako Euskal Herri atlantikoan nagusi ziren desberdintasun sozial handien iturburu.


Azkenak
EGILEA
Eguneraketa berriak daude