NBEren giza eskubideen batzordea boikotatu du Israelek
Israelek Nazio Batuen Erakundeko (NBE) giza eskubideen batzordea boikotatu du. Batzorde batzorde horretako bilera batera agertu ez den lehen herrialdea da historian.
Genevan egitekoa zen bilera horretan Israelek oinarrizko eskubide eta askatasunen inguruko txostena aztertu behar zuen.
2007az geroztik Israeli jarraipena egiten dio NBEk baina, joan den urtean arreta handiagoa jarri zion Zisjordanian duen jarduerari. Erabaki horrek hautsak harrotu zituen Israelen eta Benjamin Netanyahuk adierazi zuen batzordea "hipokrita" dela "eta gehiengo bat Israelen aurka" dagoela.
Orain ere Nazio Batuen Erakundeari egotzi dio beraien aurkako aurreiritziak izatea. "Gure aurkako ebazpen gehiago hartu dituzte beste herrialde guztien aurka hartutako guztiak bat eginda baino”.
Israelek eginikoari erantzun “biguna” ematen bazaio aurrekari arriskutsu bat sortuko dela adierazi zuen Egiptoko ordezkariak. “Ateak itxi behar zaizkie lankidetzan aritu nahi ez dutenei”.
33.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Iranen eta Israelen arteko tentsioa areagotuz doa eta bi aldeek argi utzi dute parekoaren erasoari erantzun bortitz eta gogorrez erantzungo lioketela. Bizkitartean, Israelekiko babesa berretsi dute AEBek zein Europako Batasunak.
Maulen eta Baionan egon berri da Pierre Stambul, Palestinaren alde dabiltzan kolektiboek gomitaturik. Judu laikoa eta nazien genozidioa hurbiletik ezaguturikoa da, bere amaren alde guztia deuseztatu zutelako. Erresistente komunistak zituen gurasoak, aita Manouchian talde... [+]