NBE: “Espainia behartuta dago kargu frankistak estraditatzera”

  • NBEren Giza Eskubideen Goi Komisioak komunikatua atera du Espainiako Gobernuak erregimen frankistako hamazazpi akusatu estraditatzeari ezezkoa eman eta gero, Argentinako justiziak eskatu bezala.

Estradizioa ukatuz “biktimak eta euren familiak babesik gabe” uzten direla adierazi dute adituek. (Argazkia: galde.eu).

2015eko martxoaren 30an - 15:15

Espainiako Estatua “Giza Eskubideen urraketa larrien arduradunak estraditatzera behartuta dago, Espainiako instantzia legalek biktimen egia eta justizia eskubideak bermatzeko neurriak hartzen ez dituzten bitartean” NBEko adituek aditzera eman dutenez. Estradizioa ukatuz “biktimak eta euren familiak babesik gabe” uzten direla ere adierazi dute.

Maria Servini epaile argentinarrak diktadurako krimenak argitzeko martxan daukan prozeduraren baitan frankismoko hainbat karguren estradizio eskaerari ezezkoa eman zion Espainiako Gobernuak. Rafael Catala Espainiako Justizia ministroak azaldu zuenez, 1977ko Amnistia Legean oinarrituta ustezko delituak "iraungita" daude.

Adituek azaldu dute Espainiako Estatuaren konpetentzia dela estradizio eskaera horiek ukatzea baina horren aurka argudiatu dute, “Gizateriaren aurkako krimenak eta tortura delituak iraungiezinak” direla.

Ez da lehen aldia NBEk Espainiako Estatuaren erabakiak zalantzan jartzen dituena. Urko Apaolazak blogean idatzi zuenaren arabera, Nazio Batuen errelatoreak, Pablo de Greiffek, txosten oso gogorra  argitaratu du Espainiako Gobernuaren kontra, gerra zibileko eta frankismoko krimenak ikertu nahiz erreparatzeko ezer gutxi egiten duelako.


Kanal honetatik interesatuko zaizu: 1936ko gerra
Jokin Pantxeska Etxebarria. Gerrako ume, aitaita
"Hiru aldiz esan dute gorria naizela, komunista!"

Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]


Missak Manouchianen lorratza
Euskal partisano komunistak nazien kontra

Otsailaren 21ean Missak Manouchian eta Melinée Assadourian senar-emazte armeniarren gorpuzkiak Pariseko Panteoian sartuko dituzte ohore guztiekin. Poeta eta partisano komunista, Manouchianek ekintza ikusgarriak gidatu zituen Bigarren Mundu Gerran okupaturiko Frantzian,... [+]


Frankismoko bunkerrak
Hormigoizko orbainak Pirinioetako mugan

1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]


Espoliazio frankista
Ibex35 eta euskal oligarkiaren zimenduak

Frankismoa ez zela 1975ean amaitu diktadoreak ohean azken hatsa eman zuenean, hori badakigu. Erregimenaren haziek bizirik iraun zuten poliziaren tortura ziegetan, justizia auzitegien sumarioetan eta militarren zein politikarien deklarazio kolpistetan –Aznarrek azkenaldian... [+]


Eguneraketa berriak daude