Nazioarteko merkataritza itunak aztertuz hasiko dituzte Kontraekonomia Jardunaldiak

  • Ekonomia Kritikoko Taldeak mahai-inguruak eta hitzaldiak antolatu ditu datozen egunetarako Sarrikon. Lehenengoan, TTIP itunaz eta geoestrategiaz ariko dira.


2015eko apirilaren 15an - 07:50

Sarrikoko Ekonomia eta Enpresa Zientzien fakultatean Kontraekonomia Jardunaldiak antolatu ditu Ekonomia Kritikoko Taldeak (EKT) bigarren urtez, eta gaur izango da lehenengo saioa. Arratsaldeko 18:00etatik aurrera TTIP, TISA eta CETA moduko nazioarteko itunen inguruko azalpenak emango dituzte Attac erakundeko Jose Ramon Mariñok eta Aiala Elorrieta ELAko Manu Robles Arangiz fundazioko kideak.

Mundu mailako merkatu libreak izan ditzakeen ondorioez hitz egingo dute eta horren aurrean zer egin eztabaidatuko dute ekonomialariek. Horiez gain, Oskar Matute EH Bilduko legebiltzarkideak ere hitz egingo du.

Datozen egunetan ekonomia solidario eta feministaz, zor bidegabeaz eta Europaren egituraketa eta austeritate politikaz jardungo dira. Egitarau osoa EKTren Facebook orrialdean ikus daiteke.


Kanal honetatik interesatuko zaizu: TTIP/TAFTA
2016-11-23 | Unai Brea
CETA akordioa Europako Auzitegian aztertzeari ezetz esan dio Europarlamentuak

Europako Legebiltzarraren gehiengoak ezetz esan dio Europar Batasunaren eta Kanadaren arteko merkataritza eta inbertsio ituna (CETA) Europako Justizia Auzitegiak azter zezala eskatzeko aurkeztutako mozioari. 258 parlamentarik bozkatu dute proposamenaren alde, eta 419k aurka... [+]


2016-11-10 | Unai Brea
Júlia Martí (Euskal Herria TTIPari Ez! kanpaina):
"Valoniak erakutsi du merkataritza askeko akordioei aurre egitea posible dela"

“TTIP eta CETA ezartzearren herritarrek aukeratutako parlamentu eta gobernuen aurka joko dutela frogatu du Valoniarekin gertatutakoak”, diosku Júlia Martík, Euskal Herrian TTIPari Ez! kanpainako bozeramaileetako batek. Azaroaren 5ean merkataritza askeko... [+]


TTIP eta CETA akordioen aurkako mobilizazioak larunbatean Hego EHko hiriburuetan

Larunbatean, azaroak 5, Hego Euskal Herriko hiriburuetan TTIP eta CETA akordioen aurka mobilizatzeko deia egin dute Euskal Herriko Eskubide Sozialen Kartak eta TTIP/CETA Ez plataformak.


2016-10-30 | Juan Mari Arregi
Ez ezazu irentsi

Hainbat plataforma sozialek ohartarazi dute zein ondorio izango dituen AEB eta EBren arteko merkataritza eta inbertsio itunaren (TTIP) negoziazioak. Munduko merkatu handiena sortuko du. Baina itun hori, CETA edo beste batzuk bezala, ez da merkatu akordio hutsa. Enpresa handiei... [+]


Eguneraketa berriak daude