Nazio baten identitatea hizkuntzak definitzen du sorterriak baino gehiago, ikerketa baten arabera

  • Pew Research Centre erakundeak AEB, Kanada, Australia, Japonia eta Europako hamar herrialdetan egindako inkestaren arabera, hizkuntza da nazio baten identitatea definitzen duen ezaugarria, berton jaioa izatearen eta beste zenbait faktoreren gainetik.


2017ko abenduaren 26an - 09:36

Leku batetik bestera mugitzen den jende oldeak –"izan errefuxiatu edo immigrante"– hainbat herrialdetan eragin duen "kezkak" bultzatuta egin du ikerketa PRC zentroak, ardatz bezala hartuta herritarrek zein ezaugarri lehenesten duten berton bizi zen pertsona bat "gutako bat" bezala hartzeko.

Ikerlariek nabarmendu dutenez, ohiko erretorikak dioen arren garrantzitsuena dela bertan jaioa izatea, datuek erakusten dute lekuan lekuko hizkuntza ezagutzea inportanteagoa dela. Soilik australiarren %13ak, kanadarren %21ak, estatubatuarren %32ak eta europarren %33ak (batez beste) uste du herrialde horretan bertan jaioa izatea "oso garrantsitsua" dela. Askorentzat ez da hori inportanteena, baina bertan jaioa ez denak baditu baldintza batzuk bete beharra "bertokotzat" hartua izan dadin. Eta baldintza horietan garrantzitsuena lekuan lekuko hizkuntza nagusia hitz egitea da.

Hala uste du, esaterako, europarren %77ak, japoniarren eta estatubatuarren %70ak, australiarren %69ak eta kanadarren %59ak. Frantziaren kasuan %77koa (batez bestekoaren parekoa) da kopurua; espainiaren kasuan aldiz Europako baxuenetakoa, %62koa.

Language seen as most important requisite of national identity

Zientoka datu

PRC zentroak datu mordoa jaso du ikerketan, ez soilik hizkuntzari edo sorterriari buruzkoak, baita ohitura, kutura eta erlijiori buruzkoak ere, besteak beste. Erakundearen webgunean bistara ditzakezue datu eta grafiko guztiak.

 

 


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude