Naziek ez zituzten euskaldunak begi txarrez ikusten
II. Mundu Gerran naziek Euskal Herriarekin zuten lotura aztertzen duen Una Esvástica sobre el Bidasoa (Esbastika Bidasoaren gainean) dokumentala emango dute Hego Euskal Herriko hiriburuetako hainbat aretotan.
Herber Brieger zuzendari alemaniar naziak II. Mundu Gerraren harira egindako In Lande der Basken (Euskaldunen lurretan) filmeko irudiak oinarri hartuta eraiki du Una Esvástica sobre el Bidasoa Javier Andres gidoigileak.
Hitlerren militarrek Euskal Herrian izan zuten presentzia du ardatz filmak, eta euskaldunekiko sentitzen zutena. Garai politiko horren lekukotza biltzeko, Irungo herritarrak elkarrizketatu ditu. Izan ere, “esanguratsua” da herria. “Muga baino, bi erregimen totalitarioen arteko erdibideko puntua zen”, dio Andresek.
Nazien oroitzapen “txarrik” ez
“Harrituta” azaldu da elkarrizketen emaitzarekin. Dioenez, elkarrizketatuek ez dute nazien inguruko oroitzapen “txarrik”. Dokumentalaren egileek esan dutenez, naziek aliantza bilatzen zuten abertzaleekin, Europan “orden berria” ezartzeko. Horregatik behatu zuten orduko euskaldunen bizimodua.
Obran parte hartu duten historialariek naziek euskaldunekiko zuten “elkarlan nahi” horrekin lotu dute elkarrizketatuen oroitzapen “txar” eza.
Historia eta istorioak
Haria pertsonen istorioen bidez egituratzen badu ere, dokumental historikoa dela nabarmendu du Andresek. Historia “zehaztasunez” eta “zorroztasunez” islatu dutela dio.
Donostiako Zinemaldian estreinatu zuten dokumentala. Orain, ostiraletik aurrera, Iruñeko, Gasteizko, Donostiako eta Bilboko zinema areto banatan proiektatuko dute.
Iruñean, Itaroan; Gasteizen, Florida zineman; Donostian, Principe aretoan; eta Getxon, Gran Cinema aretoan.
Urtero bezala, Terres de Mémoire(s) et de Luttes elkarteak Gurseko kontzentrazio esparruan egondako presoak omendu ditu. Horietako asko Euzko Gudarosteko eta armada errepublikarreko kideak ziren. Francoren aurka aritutako beste hainbat, eta Hitlerren eta Mussoliniren... [+]
Otsailaren 21ean Missak Manouchian eta Melinée Assadourian senar-emazte armeniarren gorpuzkiak Pariseko Panteoian sartuko dituzte ohore guztiekin. Poeta eta partisano komunista, Manouchianek ekintza ikusgarriak gidatu zituen Bigarren Mundu Gerran okupaturiko Frantzian,... [+]
Zuloan sartuta egotea ez duk txarrena –esan zion Manuk–, txarrena duk ez jakitea noiz aterako haizen, edo inoiz aterako haizen ere. Lander Garroren Gerra Txikia nobelan, non gerra bateko iheslarien gorabeherak azaltzen dituen, pertsonaien artean, Anna Frank dakarte... [+]
1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]
Aurten 60 urte bete dira Hannah Arendtek Eichmann Jerusalemen liburua kaleratu zuenetik. Urte bat gehiago pasatu da Adolf Eichmann funtzionario nazia, Holokaustoaren "arduradun logistikoa", Israelen urkatu zutenetik. Eichmannen epaiketaren jarraipen... [+]