Navarra Arena, 65 miloi euroko gastua
eta oraindik irekiera datarik gabe
Iruñeko Navarra Arena pabilioiko lanak 2011rako amaituta behar zuten, baina oraindik ez du inaugurazio datarik. 58 milioi euroko gastua eragin du orain arte baina hornikuntza tresnak falta dira martxan jarri ahal izateko.
LAB sindikatuak beharrezkoa ez zen obra horretan dirutza gastatu izana salatu du. Are gehiago, sektore publikoan ematen ari diren murrizketen garaian egin dutelako, Nafarroako Kirolaren eta Gazteriaren Institutuak aurrekontu geroz eta txikiagoa duenean.
Karlos Ekiza, erakunde horren LABeko ordezkariak adierazi duenez, Navarra Arena irekitzeko beste 8 milioi euro behar dira gutxienez. Horrez gain, gaur egun pabilioiak erabilerarik ez duen arren, mantenuan 300.000 euro gastatzen direla gogorarazi du.
Azpiegitura erraldoien beste adibideetako bat da Navarra Arena. Iruñea bezalako hiri txiki batean ez zegoen halako baten beharrik, futbol zelaia, pilotalekua, zezen plaza, eskubaloiko pabilioi unibertsitarioa eta Baluarte batzar jauregi eta auditorioa badaudelako, besteak beste.
Azken teknologia erabilita eraiki dute pabiloia, gastuei gehiegi behatu gabe. Beharraren arabera kokatzen diren harmaila automatizatuak, haien kasa zabaltzen diren eserlekuak, bere lekura automatikoki itzuli eta biltzen direnak… Honakoa bideoan ikus daiteke barrutik nolakoa izanen den.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Iaz ireki zuten Supersurraren fase berria. Bilboko azken haran naturala porlanez zikindu ostean, bidesaria ordaintzeko prest dauden gidariek, eta erratuta Supersurrera sartzen diren horiek, minutu pare bat irabazi ahal dizkiote erlojuari.
Eraikuntza enpresek dezente gehiago... [+]
Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.
Berriztagarriek Galizian ere sukarra bizi dute eta proiektu ugari justizia auzitegietan dira momentu honetan. Galiziako Justizia Auzitegi Nagusiak haietako hamahiruren gaineko suspentsioa agindu du, eta horretarako bere irizpideak egokitu ditu Espainiako Auzitegi Gorenak... [+]