NATOren aurkako ekimenak, ezezkoaren 28. urteurrenean


2014ko martxoaren 12an - 00:00
Azken eguneraketa: 2015-02-26 13:37:33

Espainiako Estatua 1982an sartu zen NATOn. "Erabaki hark espainiar eta euskal eskuin indarraren onespena jaso bazuen ere, jakina zen euskal herritarren gehiengoa ez zetorrela bat erabaki harekin", dio Askapenak. "Hala erakutsi genuen lau urte beranduago".

"Hitz hutsetan geratzen bagara edo boteredunen ahotik entzutera mugatu, munduko segurtasunaren izenean adostutako hitzarmen militarra izan zela irakurriko dugu. Lerroartean baina, argi asko ikus daiteke, batetik indar hartzen ari zen komunismo sobietarra geraraztea zuela xede, eta honen aitzakian, benetako helburua euren burgesia eta oligarkia nazionalaren defentsa zela, herri langileon interesarekin zerikusi gutxi zuena eta duena hain zuzen".

"NATO aliantza militarra da, inperialismoaren esku armatua. Historiari begiratu besterik ez dugu urtez urte, herrialdez herrialde bere benetako aurpegia ikusteko: Jugoslavia ohia (1999), Irak (1991 eta 2003), Afganistan (2001) eta Libia (2011)".

"Bardeak ditugu Euskal Herriaren subiranotasuna lapurtu izanaren adibide argia. Egun AEBak bertan ez badaude ere militarrek han jarraitzen dute, espainar Aireko Armadaren tiro poligono bakarra bihurtu da berau. Herriari, herri langileari ostutako lurrak dira, 42.500 hektarea zehazki".

"Orain 28 urte, euskal herritarrok Euskal Herriaren subiranotasun nazional eta sozialari baiezkoa eman genion, eta Euskal Herri antiinperialista aldarrikatu. Martxoaren 12 hartan hitza hartu genuen, ez dezala orain haizeak eraman".

DEIALDIAK

Martxoak 12

- Gasteizen arratsaldeko 19:00tan berriz hitzaldia izango dugu Walter Wendelein eta Amparo Lasheras eskutik Aldabe Gizarte etxean.

- Arrasaten hitzaldia egingo dugu 19:00etan Iñaki Gil de San Vicenterekin.

- Urretxun arratsaldeko 18:00etan (Hilabete Internazionalistaren baitan) El ejercito secreto de la OTAN dokumentalaren emanaldia antolatu dugu

-Laudion arratsaldeko 18:30etan Kultur etxean OTAN, el brazo armado de la ley dokumentala izango dugu ikusgai eta 19:30etan berriz elkarretaratzea Lamuza plazan

Martxoak 14

- Altsasun hitzaldia antolatu dugu 19:00etan Iortia Kultur gunean.

Martxoak 15

- Etxarrin 19:00etan La OTAN, el brazo armado del imperio dokumentala ikusteko aukera izango dugu.

Martxoak 16

- Iturmendin (Sakana) El ejercito secreto de la OTAN dokumentalaren emanaldia izango dugu 19:00etan.

Martxoak 21

- Donostian Groseko Kortxoenea gaztetxean NATOren inguruko hitzaldia eta jaialditxoa.


Kanal honetatik interesatuko zaizu: Internazionalismoa
Palestina: (ez) gure izenean

Herritarrok kalera irten gara behin eta berriro Palestinarekin elkartasuna adierazteko. Herriaren nahia argi utzi dugu. Hala ere, instituzioek gor eta tinko jarraitzen dute sionismoari arnasa ematen. Palestinar herriak sufritzen duen genozidioaren inguruko berriak (zaharregiak... [+]


2023-12-12 | ARGIA
Israelek hil dituen milaka palestinarren izenak irakurriko dituzte azpeitiarrek abenduaren 22an

Abenduaren 22an Azpeitiko herriko plazan egingo dute Gazako sarraskia salatzeko ekimena. Herritarrek bata bestearen atzetik irakurriko dituzte ahoz goran Israelek hil dituen dozenaka milaka palestinarren izenak.


Argentinako kronikak (I)
Villalba familiarekin elkartasun internazionalista

Abya Yala historia zapalkuntzaz beteriko bizitza dela esan daiteke. Bertako aberastasun naturalek paper garrantzitsua betetzen dute munduko burgesiaren metatze prozesurako.


2023-05-07 | Axier Lopez
Itxurakeria etiketan hasten da

10 urte bete ditu historia modernoko lan hilketa handienetako batek. Bangladeshko bost mila langilek arropa-fabrika batean lan egitera behartu zituzten egoera penagarrian zegoen eraikin batean. Eta hala, apirilaren 24an Rana Plazako eraikin hori bertan behera erori eta 1.132... [+]


Eguneraketa berriak daude