'Naparra' berriz bilatuko du Espainiako Auzitegi Nazionalak

  • Joxe Migel Etxeberria 1980an ikusi zuten azken aldiz, Ziburun. Bahiketa Batallon Vasco Españolek aldarrikatu zuen. 2016an, Landetan egindako bilaketa lanek ez zuten emaitzarik eman. Asteartean prentsaurrekoa emango dute Donostian Iñigo Iruin abokatuak, Eneko Etxeberria Naparraren anaiak eta Iñaki Egaña Euskal Memoria fundazioko presidenteak, egoeraren berri emateko.

Euskalerria irratia @fm983irratia
2018ko maiatzaren 15a

Joxe Migel Etxeberria, Naparra, berriz bilatzeko eginbideak irekitzea onartu du Auzitegi Nazionalak, sendiak esan duenez. 1980an desagertu zen, gerra zikinean.

Gaur prentsaurrekoa emango dute Donostian Iñigo Iruin abokatuak, Eneko Etxeberria Naparraren anaia eta Iñaki Egaña Euskal Memoria fundazioaren presidentea, egoeraren berri emateko.

Komando Autonomoetako ustezko kidea zen Naparra, eta 22 urte zituen desagertu zenean, 198ko ekainean. Azken aldiz Ziburun (Lapurdi) ikusi zuten.

2016ko urruan, auzia berriz ireki zuen Audientzia Nazionalak, familiak "gorpua dagoen toki zehatza"ren inguruko datuak eman zituenean, Landetan (Frantzia), jakiteko datu berriak eman zituenean.

Iñaki Errazkinek azaldu zuenez, Espainiako zerbitzu sekretuetako (Cesid) kide ohi batek Naparraren gorpuaren kokalekuari buruzko informazioa eman zion eta baita "krokis zehatz" bat ere.

NBEk "nahitaezko desagertze" kasua izendatu zuen, eta beraz, Naparraren kasua ez da preskribatzen.

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.

Kanal hauetan artxibatua: Desagertuak  |  Nafarroa

Desagertuak kanaletik interesatuko zaizu...
'Naparra' non dagoen zehazten duen idazkia eskatu du Espainiako Auzitegi Nazionalak

Mont de Marsanetik (Landak) gertuko harizti batean bilatu zituzten Jose Miguel Etxeberria Naparra-ren gorpuzkiak apirilaren 4an, baina ez zuten ezer aurkitu. Naparra han lurperatu zutela esan zuen estatu terrorismoari lotutako iturria bilatzeko agindua eman du orain Ismael Moreno epaileak.


'Naparra'ren bila: ez dute gorpuzkirik aurkitu Landetako eremuan

Jendarmeriaren talde espezializatu bat, Paco Etxeberria auzitegi-medikuak lagunduta eta epaileak aginduta, Jose Miguel Etxeberria Naparraren gorpuzkiak aurkitzen saiatuko da astearte goizean. Mont de Marsanetik (Landak) gertuko harizti batean egingo dute bilaketa, iturri fidagarri batek ziurtatu baitu han lurperatu zutela Naparra


2016-10-09 | Angel Erro
Lurperatuak

Nork bere hildakoak lurperatzea izaten da iraganarekin bakeak egiteko irudietako, moduetako bat. Beste bat, baina luzera ez hain eraginkorra, iragana ahaztea izaten da. Baina batzuetan ahanzturaren apologistei ahazten zaie nork bere hildako ehortzi gabeak ahaztu behar dituela (edo ahazten ikasi, edo ahazten saiatu). Beste edonoren ahanztura ez da iraganarekin baketzearen seinalea. Iruñean, esaterako, Eroritakoen Oroigarria bando bakar bateko eroritakoez husteko ekimena –legearen... [+]


1976an desagertu eta hildako "Txirrita" etakidearen kasua harrotu nahi dute

Joxe Bernardo Bidaola Txirrita etakide tolosarraren desagertze eta heriotza ikertzen dituen liburua aurkeztu dute, egilearen opariz ARGIAk PDF formatuan hemen eskaintzen duena. Ander Lizarralde oñatiarrak bildu ditu 1976ko apirilaren 25ean Txirritarekin zihoazen lekukoen eta senideen testigantzak, azaltzeko ekintzailearen hilabeteko desagertze luzea, hilik aurkitzeko modu bitxia eta ondoren Frantziako zein Espainiako agintariek erakutsitako jokabide susmagarria.


Azkenak
EGILEA
Eguneraketa berriak daude