Nagore Laffagen hiltzailea lanean dabilenez, legea berrikusteko eskatu dute

  • Kolektibo feministek sendo borrokatu dute Nagore Laffagen hilketa ahaztu ez dadin. Aste honetan jakin da Laffage hil zuen Jose Diego Yllanes mediku gisa dabilela lanean Madrilgo klinika batean. Aurrekari penalak kontuan hartu eta legea “gogortzeko” eskatu dute bi taldeek.

Miren Osa Galdona @Mirentx_U
2017ko abenduaren 07a

Andrea eta Lunes Lilaseko kideek aurrekari penalak ebaluatzen dituen neurriaren erregulazioa eskatzen dute. Izan ere, egungo arautegiak sexu delituak, erasoak, bortxaketak, prostituzio kasuak eta pertsonen trafikoko auziak baino ez ditu hartzen kontuan. Gainera, adin txikikoekin eta nerabeekin lan egiten duten profesionalei baino ez zaie ezartzen neurria. Hau da, gainontzeko delituak ez dira aintzat hartzen, ezta hilketa ere. Hori dela eta, legea “bigunegia” dela diote kolektibotako bozeramaileek eta Osasun Sailari nahiz erakunde pribatuetako arduradunei neurriak hartzeko eskatu diote.

“Erabateko atsekabea” sentitu dutela adierazi dute Yllanes aske eta lanean dela jakiterakoan.  Hamabi urte eta erdiko kartzela zigorra ezarri zion epaileak 2008ko San Ferminetan Nagore Laffageren hiltzaile izatea leporatuta, baina 8 urte eta 11 hilabete pasa ditu espetxean. Uztailean hirugarren gradua eman zioten eta egun Madrilgo Psikologia eta Psikiatria klinika baten dabil lanean. Eztabaida eta zeresan handia eman du albisteak sare sozialetan eta klinikak Yllanesen izena kendu du webgune ofizialetik.

Kanal honetan artxibatua: Indarkeria matxista

Indarkeria matxista kanaletik interesatuko zaizu...
"Putazaleek isiltasuna erosten dute"

Azala norbere bizipenen liburua balitz, Amelia Tiganusena (Galati, Errumania, 1984) beldurrezko eleberria izan liteke. Nerabezaroa ezagutu baino lehen ezagutu zuen matxismoaren aurpegirik makurrena, baina talde-bortxaketa hura ez zen lehen kapitulua baino izan, indarkeriak gidatutako historia bat gorpuzteari ekiteko. Merkantzia nola, Espainiara bidaiatu eta bost urtez 40 prostituzio etxetan aritu zen, azpimundu hori guztia benetako munduaren motorretako bat dela aldarrikatu aurretik.


2017-11-28 | Estitxu Eizagirre
Ez dugu gezurrezko testigantzen beharrik, eskerrik asko

Justizia egin nahi izan zuten bi bertsolarik Donibane Lohizuneko kartzelako ariketan, "gezurra esan duzu. Merezi izan du" gaiari erantzunez: bertsotako rolean, indarkeria matxistako epaiketa batean gezurrezko testigantza emateko prest agertu ziren. Borondate onenez ere injustiziak egiten ditugu maiz.


2017-11-27 | Miren Osa Galdona
Emakumeen hitza aintzat hartzeko aldarrikapen indartsua Euskal Herriko kaleetan

“Zure egia geurea eginez” lelopean, manifestazio jendetsuak egin dituzte Euskal Herriko hiriburuetan. Herri gehienetan ere elkarretaratzeak, mural pintaketak eta protesta ekintzak izan dira emakumeen aurkako indarkeriari ezetz esateko.


2017-11-26 | Nora Barroso
Azalaren memoria

Hamar urte inguru nituela helduagoa zen mutil batek modu jarraituan gehiegikeriak eragiten zizkidan. Lagunekin ikusten nuenean dardarka hasten nintzen, gaur ez mesedez, pentsatzen nuen. Baina debalde, bere lagunei “Voy a por ella” esan eta atzetik etortzen zen. Korrika joaten nintzen baina segituan harrapatzen ninduen. Bazterrean atzetik heldu eta oso gogor estutzen ninduen “Como grites…” esaten zidan. Ez zuen beste ezer gehiago esan beharrik. Orduan gorputz... [+]


Sinesten dizugu

Aurrena, atari batean bost gizonek bortxatzen zaituzte, bideoz grabatu eta aldean zenituen gauza apurrak lapurtu. Ondoren, espiatzen zaituzte, umiliatuta ere,  bizitza “arrunta” daramazula esateko.


2017-11-24 | Miren Osa Galdona
Indarkeria matxistari aurre egiteko, manifestazioak antolatu ditu Euskal Herriko Mugimendu Feministak

Nazioarteko Indarkeria Matxistaren aurkako eguna da larunbatean. Euskal Herriko Bilgune Feministak manifestazioak antolatu ditu Euskal Herriko hiriburuetan,  “zure egia gurea eginez” lelopean.


"Hedabideek masiboki zabaltzen dute terrore sexuala"

Asteazken honetan, 15:15ean, 'Sexu indarkeriaren trataera komunikabideetan' hitzaldia eskaini du Nerea Barjola Ramos genero gaietan aditua den ekintzaile feministak, Anoetako udal liburutegian


"Sinesten zaitugu", hainbat hiritako kaleak bete dituen garrasia

"Nazkatuta gaude, ikusteaz nola sexu-indarkeriaren biktima den etengabe auzitan jartzen dena". Sanferminetako bortxaketaren epaiketako gehiegikeria judizialak salatzeko, milaka pertsona bildu dira azken egunotan Irun, Madril, Bartzelona, Sevilla edo Valladolid bezalako hirietan.


2017-11-19 | Dabi Piedra
"Kontrasalaketekin, erasotzailea eta biktima maila berean jartzen dira"

Indarkeria matxistagatik salatutako gizonezkoek biktimaren aurkako kontrasalaketa jartzea gero eta ohikoagoa dela nabaritu dute genero indarkeriaren aurka lanean ari direnek. Juana Balmaseda Ripero abokatuaren esanetan, emakumearen salaketari sinesgarritasuna kentzeko estrategia da. Elkar salatu badute, maiz etxe barruko liskartzat jotzen da gertatutakoa, indarkeria matxistatzat hartu ordez. Genero indarkeriari eta sexu erasoei aurre egiteko Emakundek koordinatutako lantaldean, abokatuen... [+]


Bortxatuak izango direnentzat bost ohar

Bortxatzen bazaituzte, 1) egiozu aurre erasotzaileari, baita bost gizonkote badira ere; shock egoeran, isilik eta geldi, begiak itxita jasaten baduzu bortxaketa, sexu-erasoa onartu ote zenuen planteatuko dute epaiketan eta iritzi publikoan.


Azkenak
EGILEA
Eguneraketa berriak daude