Nafarroatik desagertutako taila bat enkantean jarri dute New Yorken
10.500 euro baino gehiago ordain ditzakete Nafarroatik desagertu zen taila bategatik New Yorken egingo den enkante batean. Naizek argitaratu duenez, Miguel Etxauri Fundazioak dirua eskainiko du taila Nafarroara ekarri ahal izateko.
XX. mende hasieran desagertu zen taila Getze Ibargoiti herritik (Nafarroa). 1929an agertu zen, New Yorkeko arte merkatu batean. Minnesotako enpresari aberats baten emazteak erosi zuen, eta urtarrilaren 26an jarriko dute enkantean New Yorken. Emilio Quintanilla Miguel Etxauri Fundazioko kideak adierazi duenez, eskultura Iruñera ekartzen saiatuko dira.
Taila egur urreztatuaz osatuta dago, 90 zentimetroko altuera du, XIII. mendekoa da eta Ama Birjina eta Jesus irudikatzen ditu. Minnesotan eduki dute jabeek orain arte, eta enkante publikoan saltzea erabaki dute, Sotheby’s etxearen bidez.
Adituek aintzat hartu dute tailaren kalitate artistikoa, eta bere egunean inportantzia handikoa izan zela pentsatzen dute. Oraindik ez dakite nork enkargatu zuen eskultura egitea. Baina azaldu dutenez, Iruñeko Katedralak edota monasterioek baino ezin zituzten ordaindu horrelako obrak.
Miguel Etxauri Fundazioak iragarri du taila berreskuratzea lortzen badu Iruñeko Alde Zaharrean duen lokalean erakutsiko duela. Horrez gain, prest agertu da eskultura Getze Ibargoiti herriari uzteko denbora batez.
Cristina Altuna UPNko bozeramaileak Nafarroako Gobernuari eskatu dio taila erosteko. Ondare historikoaren arduradunek erantzun dute zerbitzu hori ez dagoela euren esku.
Eduardo Chillidaren jaiotzaren mendeurrenaren kontura, ideologia guztietako hedabideetan hagiografiak izan dira nagusi eta ez da inolako aipamenik egin bere “gaztaro falangista ultra eta erradikalaz”.
1970eko hamarkada hasieran, Robert Smithson artistak bogan zegoen arte minimalista auzitan jarri eta artea paisaian eta naturan bertan egin zitekeelaren ideia zabaldu zuen. Hartara, sortze-ideia horri segika, lursailean prestakuntzak egiten hasi zen hainbat artista, beren... [+]
Xabier Santxotena Alsua (Bozate, 1946) eskulturagilea da. Egurra du lanabes, eta pieza erraldoiak egiten ditu. Buru-belarri dabil uneotan emakumeei eskulturen bidezko aitortza egiten. Agota dela dio harro, “egurraren gremio edo kolektibokoa”. Jorge Oteiza... [+]
Pompeluko togatusa Nafarroako Museoan dago ikusgai azken urtebetean, baina urte luzez galduta egon da bere pista. Duela 128 urte aurkitu zuten Iruñeko Alde Zaharrean, munduko aberats baten gordailuan egon da urte batzuetan eta haren jabetza estatubatuar batena da egun.
Bilatzeak, etengabe bide baten bila abiatzeak, nahi zein espero ez duguna aurkitzea dakar. Artista bat bilaketa gose hori elikatu beharrean dago bere espiritua bizirik mantendu nahi badu. Burugogorkeria handia ere beharko du bere ibilerak. Bide berriak bilatu, azalberritu eta... [+]