Nafarroako Parlamentuan betatutako SOS Arrazakeriako kidea: “Parte hartzeko eskubidea urratu digute”
Oinarrizko Errentarren aldeko ekimen batean parte hartzeagatik Nafarroako Parlamentura sartzea debekatuta duen SOS Arrazakeriako kide Beatriz Villahizán elkarrizketatu du Info7k: “Herritarron parte hartzeko eskubidea urratzen ari dira”.
Argi dauka Villahizanek ateak ixtea “gehiegikeria” dela, eta adierazpen askatasunaren kontra egiten duela.
Azaroaren 14an Oinarrizko Errentaren Erreforma onartu zuen Nafarroako Parlamentuak eta Oinarrizko Errentaren Aldeko Taldea bertan izan zen, neurri “sozialagoa” aldarrikatzeko. “Oinarrizko Errenta denontzat!”, oihukatu zuten euren desadostasuna adierazi asmoz, eta Alberto Catalan Parlamentuko presidenteak legaldi osorako debekatu die Parlamentuko edozein aretora sartzea.
SOS Arrazakeriak etorkinen osasun eskubideen inguruan parlamentariekin bilera zuela jakin zuenean, Villahizán joango zela jakinarazi zion Ganberari. Bertako kideek jakin bazekiten sarrera ukatuta zuela. Dena den, hasiera batean ez zioten inongo trabarik jarri.
“Bilera baino minutu bat lehenago baino ez zidaten esan. Aurretik abisatuz gero, beste pertsona bat joan zitekeen, baina ez ziguten aipatu ere egin”, kritikatu du SOS Arrazakeriako kideak.
Etorkinen osasun eskubideei buruzko bilera, SOS Arrazakeria gabe
Oinarrizko Errentarekin zerikusirik ez duen gai baten inguruan mintzatzeko joan behar zuen Parlamentura, etorkinen osasun eskubideen karietara, alegia.
“Osasun eskubidea pertsona guztientzat”. Hori da SOS Arrazakeriako ekintzaileak aldarrikatu nahi zuena. Aitzitik, batzordea haren iritzia ezagutu gabe geratu zen.
Info7k eman dio osasunaren inguruan adierazi behar zuena ezagutzera emateko beta. Argi azaldu du gatazka.
“Espainiako Estatuko Osasun Erreformarekin Nafarroako Lege Forala bertan behera geratu zen. Lege horrek edozein pertsonak osasun publikoan kabida izatea ahalbidetzen zuen. Azkenean, borrokatuta, berriz ere lege forala indarrean jarri zuten. Orain zoritxarrez, Espainiako Auzitegi Konstituzionalak helegitea jarri du Nafarroako legearen kontra. Eta bertan behera utzi dute”.
Horren aurrean, neurriak hartzeko eskatu nahi zien politikariei, SOS Arrazakeriak “beltz” ikusten baitu egoera: “Bazterketari atea ireki diote”.
Iruñeko Erorien Monumentuarekin zer egingo da? Hori da legealdi honetako gai izarretakoa Hiri Buruzagian azken asteetan. Asteazken honetan, Joseba Asiron alkateak kazetarien aurrean jakinarazi duenez, legealdi honetan emango zaio irtenbidea gaiari eta herritarrek... [+]
Larunbatean 100 egun bete ziren Joseba Asiron aginte makilaz jabetu zenetik, abenduaren 28an, Iruñeko Udalaren historiako lehendabiziko zentsura mozioaren bitartez. Lasai hartu du Euskalerria Irratia udaletxeko Harrera Aretoan, egindako lanaz harro. “Hiru hilean... [+]
Nafarroako Gobernuak Espainiako Gerra Zibilaren eta frankismoaren artxibo digitalaren plataforma, Oroibidea, gaurkotu du eta bildutako errepresaliatuen testigantzak laukoiztu dituzte.
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]