Nafarroako Parlamentuak ikurren legea bertan behera uzteko nahia adierazi du
Adierazpen instituzionala Geroa Bai, EH Bildu, Ahal Dugu eta Ezkerraren aldeko botoekin onartu dute. Lege berri bat egingo dute, “aniztasuna eta sentimendua kontuan hartuz”.
Ikurren legea “ahalik eta azkarren” indargabetzearen aldeko adierazpen instituzionala onartu du Nafarroako Parlamentuak. Hiru puntuko testuak gobernua babesten duten lau alderdien –Geroa Bai, EH Bildu, Ahal Dugu eta Ezkerra– aldeko botoarekin egin du aurrera. Aurka bozkatu dute PPk eta UPNk, eta PSNk, aldiz, adierazpenaren lehen puntuaren alde bozkatu du, eta kontra beste bietan.
Lehen puntuak dio “elkarbizitzaren, pluraltasunaren, normaltasunaren, demokraziaren eta ikurrekiko errespetuaren aldeko apustua” egiten duela Nafarroako Parlamentuak.
Bigarren puntuaren arabera, Nafarroako Auzitegi Nagusiak ekainean emandako sententziak “egungo ikurren legearen gabeziak agerian uzten dituela, herritarrek euren sentitzen duten ikur legal bat debekatzen duelako”.
Auzitegiaren arabera, jaietako txupinazoetara Araba, Bizkai eta Gipuzkoako ordezkariak gonbidatzea ikurrina ateratzeko aitzakia da, eta “lege iruzurra” da hori. Adierazpenaren hirugarren puntuak ikurren legea ahalik eta azkarren indargabetuko dutela dio.
Adierazpena onartu bezain pronto plazaratu dute iritzia alderdietako bozeramaileek. Geroa Baiko Koldo Martinezen ustez beharrezkoa da legea erreformatzea, integratzailea izan dadin. Antzerako iritzia du Ezkerrako Jose Miguel Nuinek, egungo egoera “baztertzailea” delako.
UPNko Javier Esparzaren ustez, aldiz, legea indargabetzea da adierazpenaren alde bozkatu dutenen kezka bakarra.
Nafarroako Gobernuak asteazken honetan onartu du 2024ko Nafarroako Aurrekontu Orokorren aurreproiektua: 6.355 milioi euro. Horietatik 520 milioi finantza gastuetara bideratuko dira (%8,18). Orain arteko aurrekontu handienak dira.
Eskuin muturraren “diskurtso guztiz arrazisten”arriskuaz ohartarazi du Unai Hualde presidenteak. Bere aburuz, erakundeak giza eskubideak urratzen dituzten jokaerak ekidin behar ditu.
Eskuineko hiru alderdiek aurka bozkatu dute eta Chiviterena abstenitu egin da; aldiz, EH Bilduk eta Geroa Baik Contigo-Zurekinen proposamena babestu dute. Gonzálezek 20 hilabete daramatza Poloniako espetxe batean, akusazioaren frogarik jakinarazi ez bada ere.
Populazioaren %10,9 bazterkeria egoeran dago, eta %14,5 arriskuan, biak Espainiako Estatuko daturik txikienak Arope tasaren arabera, Unai Hualde Foru Legebiltzarreko lehendakariak azpimarratu duenez.
EH Bilduren abstentzioari esker, berriz ere izendatu dute PSNko hautagai María Chivite lehendakari, ezusterik gabeko saioan.