Azaroaren 20an Madrilgo Nafarren San Fermin elizan egin zen omenaldi faxista errefusatu, eta berau iker dadin eskatu du Nafarroako Legebiltzarrak aho batez.
Aldaketaren alderdiek hiru puntuko adierazpena aurkeztu dute, eta omenaldia arbuiagarria dela jasotzen duen puntuak –hiruetan lehenak– legebiltzarreko alderdi guztien babesa jaso du. Puntu horretan zehazten denez, ekitaldia “bakearen, elkarbizitzaren eta giza eskubideen defentsaren aurkakoa" da.
Beste bi puntuek, aitzitik, ez dute erabateko adostasunik erdietsi: gainontzeko alderdi guztiek alde bozkatu duten bitartean, PPk eta UPNk kontra bozkatu dute. Bigarren puntuak ekitaldian gertaturikoa iker dezaten eskatzen die Espainiako Gobernuko ordezkaritzari eta Barne Ministerioari, “deliturik izan zen argitzeko”.
Hirugarren puntuak, bere aldetik, adosturikoa Madrilgo Artzapezpikutzari, Nafarroan Espainiako Gobernuak duen ordezkaritzari eta Nafarren San Fermin kongregazioari bidaltzea proposatzen du.
Adierazpen instituzionalaren inguruko akordioa astelehenean lortu zuten, Nafarroako Parlamentuko Mahaia eta Bozeramaileen Batzordeak Erriberrin eginiko bileran –lehen aldia da horrelako bilkura bat Iruñetik kanpo egiten dena–.
Geroa Baiko bozeramaile Koldo Martinezen esanetan, Parlamentuak onarturiko adierazpenak “horrelako omenaldiek gizartean lekurik ez dutela” erakusten du. Javier Esparza UPNko bozeramaileak, bere aldetik, adierazpenaren bigarren eta hirugarren puntua “lekuz kanpo” daude.
“Madrilgo Artzapezpikutzak eta Espainiako Poliziak ekitaldiaren berri zuten”
Omenaldia meza batean egin zen, Francoren eta Primo de Riveraren heriotzen urteurrenaren harira. Bertaratutakoek ikur faxistak erakutsi zituzten, Francoren aldeko oihuak botatzearekin batera. Aldaketaren alderdiek nabarmendu dutenez, Madrilgo Artzapezpikutzak eta Espainiako Poliziak bazuten ekitaldi honen berri, baina “ezikusiarena” egin zuten.
Hemen ekitaldiaren une bat (Alberto Pradillaren bideoa):
Nafarroako Gobernuak asteazken honetan onartu du 2024ko Nafarroako Aurrekontu Orokorren aurreproiektua: 6.355 milioi euro. Horietatik 520 milioi finantza gastuetara bideratuko dira (%8,18). Orain arteko aurrekontu handienak dira.
Eskuin muturraren “diskurtso guztiz arrazisten”arriskuaz ohartarazi du Unai Hualde presidenteak. Bere aburuz, erakundeak giza eskubideak urratzen dituzten jokaerak ekidin behar ditu.
Eskuineko hiru alderdiek aurka bozkatu dute eta Chiviterena abstenitu egin da; aldiz, EH Bilduk eta Geroa Baik Contigo-Zurekinen proposamena babestu dute. Gonzálezek 20 hilabete daramatza Poloniako espetxe batean, akusazioaren frogarik jakinarazi ez bada ere.
Populazioaren %10,9 bazterkeria egoeran dago, eta %14,5 arriskuan, biak Espainiako Estatuko daturik txikienak Arope tasaren arabera, Unai Hualde Foru Legebiltzarreko lehendakariak azpimarratu duenez.
EH Bilduren abstentzioari esker, berriz ere izendatu dute PSNko hautagai María Chivite lehendakari, ezusterik gabeko saioan.