Nafarroako Kontseilura igorri du Gobernuak euskara administrazioan arautzeko dekretuaren proiektua

  • Gaur egun 148 langile publiko daude 80.000 euskaldun atenditzeko. 3.500 funtzionario baino gehiago euskaldundu dira azken urteetan eta horietatik, milak baino gehiagok lortu dituzte B2 edo C1 gaitasun tituluak.

Euskalerria irratia @fm983irratia
2017ko maiatzaren 25a
Herritarrekiko eta Erakundeekiko Harremanetako kontseilari Ana Ollo. Argazkia: Euskalerria Irratia.

Nafarroako Gobernuak erabaki du Nafarroako administrazio publikoetan, erakunde publikoetan eta mendeko zuzenbide publikoko entitateetan euskara erabiltzeko foru dekreturako proposamena aintzat hartzea. Halaber, Nafarroako Kontseilura igortzea erabaki du, hark irizpena eman dezan. Dekretu honekin, "herritarrek administrazio publikoekiko harremanetan euskara erabiltzeko duten eskubidea arautu eta bermatu" nahi dutela nabarmendu du Herritarrekiko eta Erakundeekiko Harremanetako kontseilari Ana Ollok. Arau berriak, baina, ez du zonifikazioa ezabatuko: "Dekretu batek ezin du lege bat indargabetu, eta momentuz, Euskararen Legea aldatzeko nahikoa babesik ez dugu. Hortaz, dekretu hau zonifikazioak ezarritako terminoetan egin dugu, eta toki entitateen eskumenak errespetatuz, betiere".

Ana Ollok ezinbestekotzat jo du administrazioaren euskalduntzean aurrera egitea, "Nafarroan diren 80.000tik gora euskaldunei administraziotik eman behar zaien erantzunari dagokionez, gaur egun, 148 langile publikok baino ez baitituzte atenditzen". Zehazki, Kultura Departamentuan diren 379 langile publikoetatik bi besterik ez dira euskaldunak; Turismo eta Ogasun departamentuetan ez dago euskarazko postu bakar bat ere; eta Nafarroako Ospitale Guneko 6.142 lanpostuen artean, euskara eskakizuna da erizain postu bakar batean.

Gobernuak emandako datuen arabera, 3.500 funtzionario baino gehiago euskaldundu dira azken urteetan Nafarroako Gobernuko euskaltegian, eta horietatik, milak baino gehiagok lortu dituzte B2 edo C1 gaitasun tituluak. "Lantalde kualifikatua dugu herritarrekiko arreta ele biz eskaintzen hasteko", esan du kontseilariak.

Kontseilariaren hitzetan, proiektua “posibilista da, indarrean den araudiaren baitan” eta indargunea herritarrengan eta herritarren hizkuntza eskubideen errespetuan ezartzen du, aldi berean bermatzen dituelarik herritarren eskubideak eta langile publikoek eskuratutako eskubideak. Era berean, dekretua prestatu da toki entitateen eskumenak errespetatuz.

Etorkizuneko lan eskaintza publikoei dagokienez, departamentu bakoitzak zehaztu beharko du ele biko lanpostuak zeintzuk diren —urtebeteko epea dute horretarako—; besteak beste, herritarrekiko arreta zuzenean oinarritutakoak, eta ahoz eta idatziz informazioa eman behar dutenenak lehenetsiko dituzte. Euskara eskakizun izanen da lanpostu horietan, eta, dekretuaren proposamenean zehazten denez, "kopuruz nahikoak" izanen dira, herritarren eskubideak bermatze aldera.

Hala ere, gaur egun jardunean diren funtzionarioen eskubideak bermatuko dituztela ziurtatu du Ollok: "Euskarazko prestakuntza jardueretan beren borondatez parte hartzeko aukera eskainiko zaie horiei, eta, bestela ere, euskarazko zerbitzua bermatua egonen da talde bereko beste langileekin".

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra


Euskara Nafarroan kanaletik interesatuko zaizu...
Separatismorik ez!

Wikipediaren definizioaren arabera gizarte-bazterketa da “pertsonek gizarte-ongizatea eta bizi-kalitatea eskuratzeko jasaten dituzten oztopo sozial, ekonomiko edo politikoen multzoa, gizartearen sisteman modu egokian ez integratzeagatik”. Nafarroan, hainbat dira definizio horren baitan sartzen diren marjinazio-egoerak, baina bada bat legez ezarrita dagoena, 1986tik: euskaldunon hizkuntza eskubideen zonifikazioa. Gizarte esklusioa gaitza bada, are eta okerragoa da diskriminazio hori... [+]


2017-12-15 | Xabier Letona
Larunbat eguerdian euskalzaleek manifestazioa egingo dute Iru˝ean euskararen defentsan

Bide eman euskarari. Berdintasunaren alde! goiburupean aterako da manifestazioa larunbatean 12:00etan Iruñeko autobus geltoki zaharretik.


Hezkuntzako gehiengo sindikalak bat egin du larunbateko manifestazioarekin

Kontseiluak deitu du protesta larunbatean 12:00etan Bide eman euskarari, berdintasunaren alde! goiburuarekin. ELA, LAB eta Steilas sindikatuek zerrenda bakarraren aldeko hautua egin dute horrek emanen dielako euskara ere badakiten irakasleei aukera berdintasuna.


Euskarazko haur eskolen aurkako epaia "harrigarri eta kontraesankorra" dela uste du Asironek

Epaiari helegitea aurkezteko aukera aztertzen ari direla gaineratu du alkateak. Udal Gobernuko lau indarrak bat eginik ageri dira lasaitasun mezua zabaltzeko.


2017-12-12 | ARGIA
Iru˝eko bi haur eskolatan euskarazko eskaintza handitzearen aurkako epaia berretsi du Nafarroako Auzitegi Gorenak

Nafarroako Auzitegi Gorenak berretsi egin du joan den otsailean Administrazioarekiko Auzien Epaitegiak emandako epaia, zeinaren arabera baliogabetuta gelditu zen Iruñeko Udalak hiriburuko bi haur eskolatan euskarazko eredua ezartzeko egindako moldaketa. Udalak orduko hartan aurkeztutako helegiteari erantzunez eman du epaia Gorenak.


Zerrenda bakarra ezarri aurretik "iragankortasun epea" nahi du Ahal Duguk, bi zerrendarekin

 PSNk bi azterketa egiteko aurkeztutako lege proposamenaren aurka azaldu da Nafarroako Ahal Dugu; zerrenda bakarra egotea du azken helburutzat, baina "ahalik eta trauma gutxien sortuko duen eran" eta horretarako trantsizio epe bat egotea nahi du.


Zerrenda bakarraren aldeko elkarretaratzea egin du LABek Ezkerraren egoitzaren aurrean

Bi egunean bi azterketa jartzeko PSNk aurkeztutako lege proposamena babestu du lauko gobernuaren parte den Ezkerrak. Bi zerrendek aukera berdintasunak bermatzen ez dutela salatu du LABek.


Zerrenda bakarraren aldeko manifestazioa deitu du Kontseiluak Iru˝ean abenduaren 16rako

Kontseiluak deitu du manifestazioa kezkatuta dagoelako "hizkuntza-politikari lotutako gertakariekin". Bereziki zerrenda bakarraren aferak sortu du ezinegona. Abenduaren 16an Iruñean eginen da manifestazioa.


2017-11-27 | Ahotsa.info
Iru˝eko Arrotxapeako osasun zentroan arreta euskaraz jasotzeko aldarrikapena kalera eraman dute

Larunbatean egin zuten manifestazioa Arrotxapeako osasun etxean mediku eta pediatra euskaldunak aldarrikatzeko. Auzo honetako bizilagunek "osagile euskaldunik gabe jarraitzen" duteko azken garaietan mobilizazio ugari eta babes haundia jaso duten arren.


2017-11-23 | Ahotsa.info
"Arrotxapean mediku eta pediatra euskaldunak orain" lelopean manifestaziorako deia

Arrotxapeako bizilaguna eta bi alabaren ama den Aranek pediatra euskalduna nahi du bere alabek osasun asistentzia egokia eta duina jaso dezaten. Azaroaren 25ean, helburu honekin, manifestazioa izanen da Iruñeko auzo honetan. Paul Bilbao Kontseiluko bozeramaileak ekimen hau babestu eta txalotu du, eta Nafarroako Gobernuari Administrazioan euskararen presentzia indartzeko erabaki sendoak hartzeko eskatu dio.


Azkenak
EGILEA
Eguneraketa berriak daude