Nafarroako ingurumen gatazken mapa: zenbat daude eta non kokatzen dira?
Ingurumenaren aurka doazen 42 proiektu identifikatu ditu Sutrai Erakuntza Fundazioak. Besteak beste, AHTren obrak, meatzeak eta proiektu urbanistikoak bildu dituzte.
Ingurumena arriskuan jarri dezaketen proiektuak identifikatu, eta haiek sortutako gatazken inguruko txostena mapa batean bildu du Sustrai Erakuntza Fundazioak. Hala, Nafarroako proiektu gatazkatsuen nondik norakoak azaldu dituzte, eta euren web orrian dago ikusgai.
Jardun ezberdinei dagozkion 42 proiekturekin osatu dute mapa. Haietatik 13 harrobi eta meategiei dagozkie, zortzi ur azpiegiturei, sei energiari –zentral termikoak, goi tentsioko lineak, biomasa–, eta bost haustura hidraulikoari. Horrez gain, hondakinen kudeaketari dagozkion hiru proiektu eta beste lau plan urbanistiko ere kaltegarritzat jo dituzte.
Sustrai fundazioaren arabera, tresna hau “gatazken egoera ezagutzeko aukera baliagarria da”, eta elkartearen ikuspegi zabalaren adierazgarri da.
Txirrinkak egindako bidea
Sustraik osatutako mapa ez da gisa honetako lehenengoa. Txirrinka elkarteak beste zenbait eginak ditu aurrez. Esaterako, elkarte horretako Nafarroako taldeak Azpiegituren aurkako erresistentziak Nafarroa (1975-2016) dossierra argitaratu berri du.
Denbora tarte horretan Nafarroan proiektaturiko azpiegituren aurkako izandako erresistentzien inguruko azalpenak ematen ditu. Antzeko beste txosten bat egin zuen Txirrinkak, Euskal Herri mailan azken hamarkadan izandako gatazkak biltzen dituena.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]
Asteazkeneko gobernu bileran hartu zen erabakia eta horren ondorioz, Espainiako Gobernuko Trantsizio Ekologikorako Ministerioak Forestalia konpainiari emandako baimenen aurkako helegitea jarriko du foru gobernuak.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Baso jangarria edo oihan baratzea lantzen dute duela 14 urtetatik Odei Etxeberriak eta Gorka Torrek. Zuhaitzak eta barazkiak uztartzen dituen sistema honen oinarriak azaldu ditu Torrek Egonarria saioan, Mattin Jauregiren galderei erantzunez. Urte hauetan guztietan hainbat... [+]