Nafarroako etxebizitzetan “pobrezia eta gizarte-kalteberatasuna handitzeko” arriskuaren berri eman du CCOOk 'Gizarte eta lan kohesioa Nafarroan’ izeneko txostenean. Honen arabera, 7.778 familiak, %3,10, ez dute inolako diru-sarrerarik, eta 18.000tan kide guztiak langabezian daude.
Txostenak iraupen luzeko langabezia handitzen ari dela ere jaso du: Nafarroako langabetuen %54,6, hau da, 29.400 lagun, iraupen handiko langabetuak dira. Gainera, hamar langabetutatik lauk ez dute prestaziorik kobratzen.
Kide guztiak langabezian dauden familiak Espainiako Estatuan %14,83 dira, eta Nafarroan %9,59. EAEk baino ez dauka tasa baxuagoa, %9,38.Diru-sarrerarik ez dituzten familia kopuruari begira, Nafarroa da hoberen dagoen bigarren komunitate autonomoa da, Errioxaren atzetik.
CCOOren iritziz enplegu plan berriak gazteei eta iraupen luzeko langabetuei lehentasuna eman behar die, Nafarroan diru-sarrerarik ez dituzten familiak lagundu eta babesgabe aurkitzen direnentzat gizarte babesa zabaldu.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]