Esa urtegiaren handitzearen eta Ebroko 2015-2021 Hidrologia Plan berriaren aurka azaldu da Nafarroako Gobernua. Bestelako irtenbide alternatiboak aztertzeko beharra azaldu du.
Ingurumen eta Lurraldearen Antolamenduko zuzendari Eva Garcia Balaguer egon da Ebroko Hidrografia Konfederazioak Zaragozan egindako Kontseiluan. Han adierazi du Garciak Nafarroako Gobernu berriaren jarrera.
Geroa Bai, EH Bildu, Podemos eta Izquierda-Ezkerra alderdiek sinatutako gobernu akordioan adostu zuten Esa urtegiaren inguruko erabakia. Honen arabera, gobernuak ibaien, lakuen, hezeguneen eta akuiferoen kudeaketa jasangarri eta integratua eginen du.
Esaren handitzeaz gain, akordioan beste hainbat proiektu ere zalantzan jarri dira. Hala nola, Alloko Riomayor urtegiaren proiektua –nekazarien oposizioari erantzunez– edota Egaibarko akuiferoen ustiaketarena. Guztiak aztertzeko eskaerak eginen ditu gobernuak.
Aurrezte eta hobetze neurriak hartu beharko lituzke Hidrologia Planak Nafarroako Gobernuaren ustez, eta hornikuntza, saneamendu eta ureztatze sistemen hobekuntzarekin ingurumenari eragindako kaltea txikitu. Hidrografia Kontseiluan Garciak adierazi du jendartearen parte-hartzea eta administrazioen arteko lankidetza nahitaezkoak direla.
Rio Aragon-Coagret elkarteak Nafarroako Gobernuaren erabakia txalotu eta Aragoikoari eredua jarrai dezala eskatu dio. PP eta PSOEko agintariei egotzi diete Esa urtegiaren handitzeak dakartzan kalteak ezkutatzea.
Aragoikoak ez bezala, Nafarroako Gobernuak herritarren segurtasuna bermatuko duela adierazi dute elkartetik: “Esaren handitzea ez da bideragarria, inork ezin duelako etorkizunean bere segurtasuna bermatu”.
"Segurtasun faltagatik" geldirik daude Esa urtegia handitzeko lanak Rio Aragon Elkartearen esanetan. Lan horien kontratua eteteko eta proiektua berrikusteko eskatu du talde horrek. "Bideragarritasun eza" onartzeko eskatu diote Ebroko Ur Konfederazioari.
Lanak duela 22 urte hasi ziren, baina urtegiaren eraikuntzak hamaika arazo izan ditu, eta oraindik lanek atzera-aurrera jarraitzen dute. Rio Aragón elkartearen eskaerari erantzunez, lanak 2027an bukatzea aurreikusten duela erantzun du CHE Ebroko Konfederazio... [+]
Ikerketa geologikoek behin baino gehiagotan ohartarazi dute, eta, orain, satelite bidezko zaintzatik heldu da abisua: Esako urtegia ez da egonkorra. Copernicusek, Lurra behatzeko Europako Batasunak abian jarritako programak, "mugimendua" antzeman du urtegiaren... [+]
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urtegiaren eskuin hegalak desegonkor jarraitzen duela eta, beraz, arrisku maila bat dagoela ondorioztatzen du. Txostena Ingeotyc enpresako Valentin Ibarra eta Tomas Morales geologoek egin dute Zangozako Udalaren enkarguz.