Mutrikuko (Gipuzkoa) Kiputz IX aztarnategian aurkitu duten bisonte garezurra duela 18.000-19.000 urtekoa da. Estepako Bisontea da, eta Iberiako Penintsulan ez dago halako beste garezurrik, osorik ez behintzat. Bisontea Mutrikuko leize batera erori zen; eskeletoa apurtu egin zen, baina Aranzadi elkarteko kideek hezur zatiak bildu (2006an topatu zituzten) eta elkar itsatsi dituzte, kaskezurra osatu arte.