Musikoterapia: musika bidez Alzheimer gaixoen oroimena lantzen

  • Alzheimerra edo oroimen gaixotasunak dituzten pertsonak musikoterapiarekin tratatzeak ondorio onuragarriak dakartzala erakusten dute hainbat ikerketek. Tratamendu farmakologikoarekin uztartuz, gaixotasunaren eboluzioa geldotzea posible dela diote musikoterapeutek.


2015eko abuztuaren 11n - 08:57
“Musika entzuteak segurtasuna eta identitatea ematen die gaixoei. Bizi, entzun eta dantzatu dutena oroitarazten die, memorian galduta zegoena ekarri”

Patxi del Campo Musika, Arte eta Prozesuen Institutoko zuzendariak azpimarratu du musikoterapiak gaixoengan duen eragin positiboa: “Musika entzuteak segurtasuna eta identitatea ematen dizkie gaixoei. Bizi, entzun eta dantzatu dutena oroitarazten die, memorian galduta zegoena gogora ekarri”.

Musikoterapia prozesu irekia da. Altsasuko Josefina Arregi zentroko Raquel Guerrero musikoterapeutak adierazi duenez, pertsona bakoitzera egokitu behar da terapia mota hau, bere gaitasun eta mugen araberakoa izan behar du. Pertsonaren soinuen historia ezagutzea garrantzitsua da, bere bizitzan presentzia izan duten musika eta soinuak lantzea, alegia.

Informazio horrekin, espezialistek musikari dagokion garunaren zatia estimulatzea bilatzen dute, “oroimena aktibatzeko, motrizitatea lantzeko, abestu eta dantzatzeko”. Ingurukoekin harreman sozialak bultzatzea ere bada musikoterapiaren helburua: “Ez da berdina bakarrik abestea, edo norbait besarkatuta dantzatzea”, adierazi du del Campok.

Alzheimerra da dementzia mota ohikoena. Munduan 47,5 milioi pertsona inguruk sufritzen dute gaixotasuna, Munduko Osasun Erakundearen arabera. Espezialistek garbi dute musikoterapiaren helburua ez dela “sendatzea”, baizik eta tratamendu farmakologikotik harago terapia osoagoa eskaintzea, gaixoaren bizi kalitatea hobetzeko.


Kanal honetatik interesatuko zaizu: Osasuna
2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


Behatokiaren hizkuntza urraketei buruzko 2023ko txostena
Hizkuntza muga eta urraketa berak hamar urtez

Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.


Amurrio, Okondo, Urduña eta Orozkoko Udalek ez dute parte hartuko Laudiok deitutako bileran Osakidetzaren egoera lantzeko, "desleialtasuna" leporatuta

EAJk eskualdean gobernatzen dituen tokiko erakunde guztiek iragarri dute ez dutela parte hartuko Laudioko Udalak deitutako bileran. Guztiek egotzi diote EH Bildu eta Omniako udal gobernu taldeari erakunde desleialtasuna erakustea, hedabideetan horren berri emateagatik, euren... [+]


Osakidetzaren pribatizazioaren aurkako manifestazio jendetsuak Bilbon, Gasteizen eta Donostian

Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.


Eguneraketa berriak daude