Musika dokumentalak baino gehiago aurtengo Dock of the Bay jaialdian

  • Donostiako Musika Dokumentalen Nazioarteko Jaialdia urtarrilaren 9tik 16ra ospatuko da. Musikaren inguruko filmak ardatz, antolatzaileek “jauzi kualitatiboa” egin, eta hainbat ekintza antolatu dituzte: emanaldiak, kontzertuak, erakusketak, argitalpenak eta mintegi teorikoak.


2016ko urtarrilaren 07an - 12:19
"Can't Stand Losing You: Surviving the Police" filmaren irudia.

Zinemaren eta musikaren zaleen talde batek bultzatuta sortu zen Dock of the Bay 2007an, zinema erakusketa gisa. Aurten ere, Donostian bederatzigarren aldiz egingo den jaialdiak musika dokumentalen topagune, eta erakusleihoa izatea du xede.

Aurten aurkeztu diren filmak lehiaketa eta erakusketa sailetan banatu dituzte. Bederatzi film programatu dira lehiaketarako eta beste sei erakusketarako. Horien artean bost pelikula estreinako aldiz ikusi ahalko dira. Emanaldiak Trueba Zinematan eta Antzoki Zaharrean egingo dira.

Lehen aldiz argitalpenen ildo bati ekingo diote jaialdian. Argitaratuko duten lehen lana Felipe Cabrerizoren Gainsbourg: Elefantes rosas izango da, Serge Gainsbourg musikariari buruzko lan biografikoa.

Musika dokumentalen inguruko mintegia

Jaialdiaren baitan, “Egiazkoaren narratibak” mintegia antolatu dute 14ean eta 15ean. Euskal Herriko Unibertsitatea, Koldo Mitxelena Kulturgunea eta Donostia Sustapenaren laguntzarekin. Bertan aztertuko dira zinema dokumental musikalaren narratibak, baita horiek nola txertatzen diren ikus-entzunezko garaikideen sorkuntzaren eta berrikuntzaren arloan.

Parte-hartzaileek aukera izango dute eztabaidatzeko errealizazioarekin, kritikarekin, ikerketarekin edo zabalkundearekin lotutako hainbat hizlarirekin. Mintegiaren koordinatzailea Fernando Golvano Euskal Herriko Unibertsitateko irakaslea izango da.

Parte hartu ahal izateko, izena eman behar da, info@dockofthebay.es helbidera mezu bat bidaliz.


Kanal honetatik interesatuko zaizu: Dokumentalak
Kronika
"Bidasoan barrena, beti dira bide berak"

Bidasoa 2018-2023 dokumentalaren proiekzioa

Non: Martuteneko espetxean, Donostian

Noiz: Abenduaren 22an, ostirala, 16:00etan

Sarean ikusgai: Primeran plataforman

------------------------------------------------

Gabonak dira. Ostiral bazkalostea. Martuteneko... [+]


2024-01-12 | Euskal Irratiak
Italia eta Afrika ardatz Miarritzeko FIPADOC festibalaren seigarren edizioan

FIPADOC Nazioarteko dokumental jaialdia berriz heldu da Miarritzera. Urtarrilaren 19tik 27ra ospatuko dute, eta seigarren edizio honetan «Italia eta Afrika» izanen dira protagonistak.


Netflixek iragarri du Cabezudoren auziari buruzko dokumentala emango duela

En el nombre de ellas dokumentalean agertzen diren biktimek eta ekoiztetxeak eskerrak eman dizkie plataformari "ausardiagatik" eta beren historia kontatzeagatik. Disney+ 2022ko azaroan zen dokumentala estreinatzekoa, baina atzera egin zuen. 


2022-11-11 | Leire Artola Arin
Olga Rodríguez, Ekialde Ertainean aditua
"Matxismoa Egiptoko estatuaren muina da, eta armadak beti aplikatu du"

Egiptoko matxinadetan emakumeei egin zizkieten sexu erasoak ditu abiapuntu As I Want (Neuk nahi bezala) 2021eko dokumentalak. Samaher Alqadi zuzendariak lehen pertsonatik eta gordin erakusten ditu 2011 eta 2013 artean bizitakoak, besteak beste, Kairon piztu ziren emakumeen... [+]


2022-09-11 | Kepa Matxain
Dolutik sortutako bidaia tantrikoa

Hilabete gutxiko tartean hil zitzaien ama Irati Gorostidiri (Eguesibar, 1988) eta Mirari Echavarriri (Iruñea, 1988), biak 1978an Lizason egonkortutako Arco Iris komunitate tantrikotik igarotakoak. Lehendik ere esperientzia hari buruzko interesa bazuten, dolu prozesuan... [+]


Eguneraketa berriak daude