Murrizketek GKE-en zintzurra estutu dute EAEn
Murrizketen eraginez EAEko GKE-en %28,6 zorpetu egin dira azken urtean eta %56k nazioarteko proiektuak bertan behera utzi behar izan ditu. Euskadiko GGKE-en koordinakundeak inkesta batean jasotako datuak dira.
Lau gairen inguruko emaitzak jaso dituzte: eragina Hegoaldeko Proiektuetan, eragina Iparraldeko Proiektuetan, eragina erakundeen antolakuntzan eta etorkizunerako aurreikuspenak.
Hegoaldeko Proiektuak: Hego Amerikan, Afrikan eta Asian garatutako proiektuak 1.400tik 1.060ra jaitsi dira azken hiru urteetan, eta Peru eta Afrikako hainbat herrialde utzi behar izan dituzte diru faltagatik. Izan ere, 25 milioi euro gutxiago jaso dituzte, %35,5. GGKE txikienek diru-sarreren %76 galdu dute.
Iparraldeko Proiektuak: EAEko “sentsibilizazio akzioek” laguntzen %17,1 galdu dute.
Erakundeen antolakuntza: GKE-en ordezkariek jakinarazi dute langileen kopurua %17 jaitsi behar izan dutela, 429tik 356ra. Hala ere, boluntarioen kopurua igo dela nabarmendu dute.
Etorkizunerako aurreikuspenak: GKE-en erdiak baino gehiagok datorren urtean euren aktibitatea gutxituko dutela aurreikusten dute, eta %24,2k langile kopurua murrizten jarraitu beharko dutela. %28,6k azken urtean zorpetu dela dio. “Erakunde batzuk desagertuko dira eta beste batzuk murriztuko dira”, adierazi du Mila Dominguez koordinakundeko bozeramaileak.
Erakundeek emandako diru-laguntzetan jasan dituzten murrizketak salatu ditu Euskadiko GGKEen koordinakundeak, inkestaren emaitzak hedabideen aurrean aurkeztean.
Dominguezen esanetan, “EAEko GKE-ak erreferentea izan dira azken urteetan, baina horrela jarraitzeko, epe luzera proiektuak garatzea ahalbidetzen digun aurrekontu finkoa behar dugu”.
II. Mundu Gerra amaitu ostean, Afrika eta Asia aldeko herrialdeen deskolonizazio prozesua abiatu zen. Izan ere, herrialde horietako soldaduek parte hartu zuten Alemania eta beronen aliatu faxistak garaitzen eta “esker on gisa”, menpeko herrialde horiei... [+]
172 migratzaileak Salernon utzi ondoren egindako azterketen ostean salatu dute Aita Mari itsasontzia Italiako agintariek. "Mediterraneoan ematen duen laguntza humanitarioa kriminalizatzeko saiakera" salatu dute Aita Mariren arduradunek.
Ablazioa errotik kentzeko nazioarteko egunaren harira, praktika ilegal hau egiten den herrialdeetatik etorritako 4.000 emakume nafar daudela ohartarazi du Munduko Medikuak erakundeak. Talde parlamentari guztiek GKE horren komunitate-lana eta Nafarroako Gobernuko erreferentziazko... [+]
Udazkenerako arropa armairuratzen ari zarela eta beharra duen jendearentzat jantziak dohaintzan emateko aprobetxatu nahi duzula? Edozerk ez du balio, jantzietan ere duintasuna merezi dugu denok. Hala mintzatu da errefuxiatuentzako jantziak biltzen aritu den langileak.
