Muriel Casals, Kataluniako independentismoaren aurpegirik ezagunenetako bat, hil egin da Bartzelonako Clínic ospitalean. Bi astez egon da bertan, txirrindulari batek harrapatu ondoren.
Muriel Casals 1945eko apirilaren 6an jaio zen Avingonen (Okzitania), bere gurasoak hara joan baitziren Gerra Zibiletik ihesi. Segituan ordea, Kataluniara itzuli ziren, Sabadellera zehazki. Muriel Casalsek Ekonomiako ikasketak egin zituen Bartzelonako Unibertsitate Autonomoan, eta bertan aritu zen irakasle. Defendatu zuen ekonomia ez ezik, gainontzeko zientzia sozial guztiak behar zirela mundua ulertzeko. 1981ean, ehungintza industriari eta 1914-1918 arteko gerrari buruzko tesia aurkeztu zuen.
Unibertsitateko garai horretan hasi zen bere konpromiso politikoa. Kataluniako Alderdi Sozialista Bateratuko (PSUC) kide bihurtu zen, trantsizio garaiko alderdirik garrantzitsuenetako bat. Casalsek defendatu zuen klase borroka katalanismoaren barneko mugimendu bihurtu behar zela. PSUC Iniciativa per Catalunya alderdia bihurtu zen gero, eta alderdi horretako kide izan zen. Kataluniako Irrati eta Telebistako administrazio kontseiluko kide izan zen, eta TV3 eta Kataluniako Irratia abian jartzeko prozesuan parte hartu zuen.
Òmnium Culturaleko presidente izendatu zuten 2010ean, eta mugimendu independentistaren erreferente bihurtu zuen erakundea, Assemblea Nacional Catalanarekin (ANC) batera. Ómnium Culturaleko lehendakari zela antolatu zuten Estatutua murrizteko sententziaren aurkako manifestazio jendetsua, 2010eko uztailaren 10ean. Erakundeko lehendakari izateari utzi, eta irailaren 27ko hauteskundeetara aurkeztu zen Junts pel Sí-ren zerrendako hirugarren postuan. Ordutik, Kataluniako Parlamentuko diputatua zen.
Casalsen heriotzak erreakzio ugari eragin ditu. Carles Puigdemont Kataluniako presidenteak adierazi du Casalsen lanak Katalunia “goratu” duela, eta erakutsi duen bidea “bururaino eraman” behar dutela. Artur Mas presidente ohiak azaldu du Casalsek prozesu soberanistaren bertute guztiak biltzen dituela. CUPentzat “garaipena” da omenaldirik onena, eta ERCentzat, “askatasuna”.
La Muriel ens ha deixat. El meu condol a la família, amics i a tota la gent d'aquest país que la va estimar. Farem realitat el seu somni.
— Carles Puigdemont (@KRLS) February 14, 2016
La família d’@omnium recordarem cada instant compartit. Serem fidels a la teva lluita: la llibertat del nostre país. T’estimem @murielcasals
— Òmnium Cultural (@omnium) February 14, 2016
Ens ha deixat la Muriel, companya i estimada amiga. Gràcies per tot el que ens has donat, gràcies per ser el somriure de la revolta. CF
— Carme Forcadell (@ForcadellCarme) February 14, 2016
Que la teva força i compromís ens serveixin d'inspiració per continuar treballant. No t'oblidarem, Muriel. pic.twitter.com/6nNncHagFu
— Assemblea Nacional (@assemblea) February 14, 2016
#Muriel amb tristesa, amb tendresa, que la terra et sigui lleu. El millor homenatge, la victòria.
— CUP #perlarepública (@cupnacional) February 14, 2016
Gràcies, Muriel, per la teva empenta, força i somriure. Culminarem el camí cap al nostre somni: la llibertat. Ho farem per tu. T'enyorarem
— Esquerra Republicana (@Esquerra_ERC) February 14, 2016
Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Orain Senatura bidean joango da legea, han PPk ahal duen neurrian atzeratuko du –bi bat hilabetez– eta gero berriz itzuliko da Espainiako Kongresura azken onarpena izan dezan.
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Pere Aragonès Generalitateko presidenteak asteazken honetan aurreratu ditu Kataluniako hauteskunde autonomikoak, En Comú-rekin batera atera behar zituen 2024ko aurrekontuek porrot egin ondoren. Juntsek iragarri du bere hautagaia Carles Puigdemont izango dela; azken... [+]