Munduko arrain ekoizpena, jasangarritasunaren mugara iristear
Abisu larria eman du Nazio Batuetako Elikagaien eta Nekazaritzaren erakundeak, FAOk, bi urtean behin kaleratzen duen munduko arrain ekoizpenari buruzko azterketan: jasangarritasunaren mugara hurbiltzen ari gara. Arrantzaguneen %90 agortuta edo gehiegi ustiatuta dago, eta 2025era bitartean produkzioa %17 handituko dela aurreikusten da.
FAOren arabera, arrantzaren gehiegizko ustiapena hirukoiztu egin da 70eko hamarkadatik hona, eta bereziki kezkagarria da Mediterraneoko eta Itsaso Beltzeko zenbait eremutan. Erakundeko Arrantza Arloko zuzendari Manuel Barange-ren esanetan, “seguruenik oso gertu gaude itsasotik atera dezakegunaren erabateko mugatik”.
Hori bai, itsasoko arrantzaren tamaina azken urteetan egonkortu egin dela dio Barangek, arrain hazkuntzak izandako gorakada eskergaren eraginez. Izan ere, aurreikusita dago 2021erako horixe izango dela arrain iturri nagusia. “Hori dela eta, ez dugu espero basa-arrainen arrantza asko haziko denik datozen urteetan”.
Manuel Barangek begi onez ikusten du arrain hazkuntzaren gorakada, “2050ean 9.000 milioi pertsona baino gehiago elikatzeko erronkari begira dena izango baita eskertzekoa”. Aldiz, gobernuz kanpoko hainbat erakundek kezka agertu dute arrain ekoizpen mota horrek izan ditzakeen eraginak direla eta: espezie inbaditzaileak, parasitoak, bestelako gaitzak…
“Etxaldeek” okupatzen duten lekua ere izan behar da kontuan. Esaterako, kalkulatzen da izkira haztegiak ezartzearen ondorioz hiru milioi hektarea hezegune hondatu direla mundu osoko itsasertzetan.
Bizkaiko Golkoko uretan arrantza debekatu dute hilabetez, izurdeak babesteko. Arrantzaleek prezioen igoera aurreikusi dute, eskaintzak behera egingo duelako. Talde ekologistak neurriaren alde agertu dira.
Hiru arrantzaleetatik bi desagertuta daude, eta erreskatatu dutena Baionako ospitalean artatu dute, hipotermiak jota.
Bai hauteskunde egunean, bai posta bidez botoa eskatu ahal izateko epean itsasoan direlako, arrantzale asko ezin bozkatu geratzen dira hauteskundeetan. Telematikoki bozkatu ahal izan dezaten legea aldatu bitartean, oraingoan ere abstentzionisten zerrendan sartuko dituztela... [+]