Europa, Maroko eta Tailandiako 31 operadore aztertu ondoren, identitate lapurretaren aurrean erabiltzaileek duten segurtasun eskasa salatu du. Gainera, dioenez, erabiltzaileek ezer gutxi egin dezakete euren dei eta mezuak legez kanpo zelatatuak eta arakatuak direnean.

Nohlek azaldu duenez, 2004ko Motorola mugikor merke bat eta Internetetik jaitsitako programa arrunt bat erabiliz, aztertutako operadoreen erabiltzaileen dei eta mezuak atzeman eta datu pertsonalak lortzeko gai izan da. Bi ondorio nagusi atera ditu ikerketatik. Batetik, pribatutasuna etetzeko erreztasuna azpimarratu du. Bere esanetan, mugikorretan aditua den edonork lortu dezake. Bestetik, konpainientzat urraketa horiek zuzentzea oso erraza dela argi utzi du. T-Mobile alemaniarra eta Swisscom suitzarra izango lirateke beraien erabiltzaileen seguratsuna babestu duten bakarrak.

Aditu alemaniarrak argi utzi nahi izan du ikerketa burutzen ari ziren bitartean kontu handiarekin ibili dela, informazio pribatuen atzematea eta legez kanpoko ekintzak ekiditeko. Deien kasuan, esaterako, denbora tarte oso laburrez –gehienez bi segunduz– entzuten zituen.